Аз барои Худо ин чи муносибат аст???Бо дидани ин наворхо хуни одам ях мебандад. Магар ягон рахм ва
мехру шавкат намондааст???
Ягон зарра тарс аз Худо нест!!!
Даҳшат ‼️
Дар шабакаҳои иҷтимоӣ ду сабти видеоие мечархад, ки дар он тарзи хеле бади муносибат, балки ҳатто
зулму ситами аҳли хонавода нисбат ба келини ин хонадон намоиш дода шудааст. Бадрафторӣ нисбат
ба келин ба андозаест, ки ӯ ҳатто ҳақ надорад бидуни иҷозати хушдоман ва хоҳари шавҳараш ягон ғизо,
ҳатто ягон пора нон бихӯрад.
Дар як видео келин як пораи нони шикаста дар дасташ ба хушдоману хоҳари шавҳараш "ҳисобот"
медиҳад, ки аз ин пораи нон танҳо як лабашро шикаста хӯрдааст ва дигар даст нарасондааст. Дар навори дуюм хушдоман Б.Х. ҳамроҳи духтараш
худашон келинро ба навор гирифта, қасам медиҳанд, ки фалону фалон корҳоро накунад. Келини бечора, ки
ашк дар ин лаҳзаҳо гулӯгираш мекунад, як як аз паси хушдоман такрор мекунад, ки ин корҳоро ҳеҷ гоҳ намекунад. Аҷаб он аст, ки дар лаҳзаи сабти навор дар он хона
марди хонавода (зоҳиран хусури ин келин) ҳам ҳузур дорад, вале дахолат намекунад. Хоҳари шавҳараш
бошад ин лаҳзаҳои паст задани шаъну эътибори келинашонро бо хандаву масхара бо телефон ба
навор мегирад.
Бино ба иттилои дарёфтӣ, ин келин аз ҷамоати Сурхи Исфара буда, модар надоштааст ва ӯро ба маҳаллаи
Какири ҷамоати Чоркӯҳ ба як ҷавони гунг ба шавҳар додаанд. Модарандари ин духтар аз дидани ин
сабтҳо ба ваҳшат омада, ба мақомот арз кардааст, то нисбат ба ин "диктатураи хушдоман" ё "дедовшинаи хушдоман" чораҳои қонунӣ бияндешанд.
Ба зидди як зан дар шаҳри Исфара, ки навори "истинтоқ"-и арӯсаш дар шабакаҳои иҷтимоӣ баҳси зиёд ба по кард, парвандаи маъмурӣ (Моддаи 931. Риоя накардани талаботи қонунгузории Ҷумҳурии Тоҷикистон дар бораи пешгирии зӯроварӣ дар оила) кушодаанд.
Ба ӯ аз 128 сомонӣ то 320 сомонӣ ҷарима таҳдид мекунад. Намояндагони Раёсати корҳои дохилии вилояти Суғд рӯзи 20-уми январ гуфтанд, таҳқиқ идома дорад.
Ҳафтаи гузашта дар шабакаҳои иҷтимоӣ наворе паҳн шуд, ки дар он зане арӯси оиларо дар рӯ ба рӯи дурбини телефони мобилӣ "истинтоқ" мекунад.
Фишор меорад, ки дигар бе иҷозат нон нахӯрад ва ваъда диҳад, ки нисбати хонавода беҳурматӣ ва ба шавҳар хиёнат намекунад. Арӯс ҳам гуфтаҳои хушдоманро такрор мекунад
#таджикистан
#последние новости
#Душанбе
#точикистон
#Худжанд
#Исфара