Një punëtor që mbijeton prej vitesh me tregtimin e boronicave ka folur për kamerën e Fax News duke treguar si funksionon procesi i punës. Ai u shpreh se mund të mbledhë rreth 50 kilogramë boronica për 7 deri në 8 orë, ndërsa tregon se këtë vit ka qenë e dobët tregtia.
Sa i përket cmimeve, variojnë nga 7 mijë deri në 20 mijë lekë e sipër, bazuar në llojin e boronicës që preferojnë njerëzit.
“E mbledh me krëhrin. Me pas boronica mbledh deri në 50 kg në ditë, 7 deri në 8 orë. Filloj nga ora 8 e gjysmë, 9 deri në orën 4. Treg ka por është më i dobët. Sivjet nuk ka pasur, shumë pak. Ndoshta lagështia e ka prishur. E njomë është 8 mijë lekë, të thata 20 mijë lekë e sipër”, u shpreh punëtori.
Boronicat janë të ëmbla, ushqyese dhe shumë të shëndetshme. Këto fruta kaq të vogla i bëjnë kaq mirë trupit dhe mendjes sonë. Boronica ndihmon trurin dhe zemrën, mbron sytë dhe lëkurën. Në Shqipëri boronicat rriten të egra gjerësisht në trevat veriore të vendit.
Boronicat përmbajnë dhe shumë vitaminë C, e cila ndihmon në formimin e kolagjenit dhe ndihmon për të pasur mishrat e dhëmbëve të shëndetshëm. Gjithashtu boronicat, së bashku me luleshtrydhet mendohet se kanë një ndikim shumë pozitiv në uljen e rrezikut të sëmundjeve kardiake tek femrat.