Տավիղը աշխարհի հնագույն գործիքներից մեկն է։ Նախկինում տավիղը ժամանակակից կատարյալ տեսքը չի ունեցել։ Այն իրենից ներկայացրել է ընդամենը աղեղի վրա ձգված լարեր, որոնք ձայն էին արձակում։
Աշխարհի հնագույն տավիղը հայտնաբերվել է Իրաքի մայրաքաղաք Բաղդադում, բայց ցավոք երկրաշարժի ժամանակ այն կործանվել է։
Տավիղը շատ է կիրառվել նաև Հին Եգիպտոսում․ այնտեղ շքերթներն անց էին կացվում հազարավոր տավղահարների մասնակցությամբ։ Փարավոնները սիրում էին լսել տավղի, թմբուկի և ֆլեյտայի ձայները։
Հետագայում տավիղը կատարելագործվել և լայն տարածում է գտել նաև Եվրոպայում։ 18-րդ դարում Ֆրանսիայում Էրար անունով մի վարպետ հայտնագործում է ոտնակով տավիղը․․․․
ՀՀ վաստակավոր արտիստ, ՀԱՖՆ տավղահարների խմբի կոնցերտմայստեր Ժաննա Հովհաննիսյանը պատմում է հարազատ գործիքի ընտրության, ընտանիքում երաժշտական կրթության հանդեպ առանձնահատուկ վերաբերմունքի, ծննդավայրում՝ Թբիլիսիում ունեցած առաջին ուսուցիչների, այնուհետև Մոսկվայի կոնսերվատորիայում ուսանելու և Արամ Խաչատրյանի հետ հանդիպման, ինչպես նաև հետագայում Հայաստան տեղափոխվելու, ՀԱՖՆ-ին միանալու, մենակատար-նվագախումբ և դիրիժոր-նվագախումբ հարաբերությունների և այլ հետաքրքիր թեմաների մասին։
։Բուն TV-ի և Հայաստանի ազգային ֆիլհարմոնիկ նվագախմբի համատեղ «Ֆիլհարմոնիկ» նախագիծը պատմում է նվագախմբի երաժիշտների, նրանց անցած ճանապարհի, երաժշտական գործիքների ու աշխատանքային առօրյայի մասին՝ նպատակ ունենալով նոր կողմից բացահայտել Ազգային նվագախումբը։ «Ֆիլհարմոնիկ» նախագիծը բարձրակարգ երաժշտություն լսելու և նվագախմբի արհեստավարժ երաժիշտներին ճանաչելու աննախադեպ հնարավորություն է։
* Հեղինակային իրավունքներով պայմանավորված՝ Վոլֆգանգ Ամադեուս Մոցարտի «Ռեքվիեմը» ցուցադրվել է միայն Բուն tv-ի հեռուստաեթերում։
#բունtv #philharmonic #ԺաննաՀովհաննիսյան #տավիղ
Շարքի մյուս թողարկումները կարող եք դիտել այստեղ՝ bit.ly/44fTDhT
© Բուն TV
Web: boon.am/
Facebook: / boontvofficial
Telegram: t.me/boon_tv
Instagram: / boon_tv
TikTok: / boon_tv
LinkedIn: / boon-tv-official