Рет қаралды 322
Fit dağı hər zaman diqqətimi çəkən marşrutlardan olub. Nisbətən çətin marşrutdur. Fit dağı Niyaldağ silsiləsində yerləşir. Çoxdandır, səyahətlərə gedə bilmirdim. Ona görə maraqlı bir səfərə ehtiyacım var idi. Tətil günlərini də nəzərə alsaq yürüş ağır olsa belə, növbəti günlərdə bərpa oluna biləcəkdim. 20+ km yol qət etdik, dumanlı hava, xamlamış bədən prosesi çətinləşdirən amillər kimi görünsə də, Buzxanaya gedən yol, ondan sonra 40 otaq abidəsinin qalıqları və nəhayət dumanı ilə mistikləşən Fit dağına yürüş çox maraqlı bir xatirə oldu mənim üçün. İsmayıllının həm Basqal, həm də Sulut kəndlərinə yaxındır. Təbiət yürüşü olaraq Sulut kəndi daha əlverişlidir. Yaz öncəsi eko yürüşlərə gözəl bir addımla başlamış oldum. Yol boyu açan güllər və mənzərələr də, Səyahətlər kimi yenidən bərpa etdiyim hobbim olan foto çəkməyim üçün əla material oldu. Onları və hisslərimi isə blogdan oxuya bilərsiniz.
Gözəl təşkilatçılıq üçün Campsiz komandasına təşəkkür edirəm.
#Fitdağı #Niyaldağ #fit #mountains #Caucasian #ismayıllı #Basqal #sulut #ecotour #hiking #yürüş