"أحب الناس إلى الله أنفعهم للناس " وياكثر ما انتفعنا باللي تقدمه يامهندس مساعد بارك الله فيك

نشكر المهندس مساعد على طرحه المميز. في هذا الموضوع، ومن باب تجربة، في صيانة ٣٠٠ فيلا تابعة لشركة تشغيلية، هذا النظام سيئ جدا، وغير عملي، وغير مريح، لأسباب: ١) المضخة بنظام الخزان فوق السطح، ستشتغل في اليوم مرة او مرتين تملأ الخزان وترتاح، واما هذا النظام، ستشتغل وتنطفي في اليوم اكثر من ٥٠ مرة، فيقل عمر المضخة بسرعة ويتلفه من الداخل، ويربح شركات المضخات. ٢) العلبة الضاغطة pressure tank تحتاج صيانة واعادة ضبط، وإلا ستتلف وتتلف معها المضخة.، وتكلفة تصليحها قريبة من الجديدة. ٣) غير مريح، عند فتح البزبوز، ستلاحظ ضغط الماء يتغير، ٤) انزعاج بسبب صوت المضخة المتكرر، ليل نهار. اشكر المهندس مساعد، استفدنا منه الكثير الكثير. وله منا الدعاء بالتوفيق ومزيد من النجاح.

انا من سكان مكه الله يعمرها ، عندي خزان علوي فيبر أربع طبقات في عز الصيف الحراره عندنا تصل ل 50 درجه ، كانت تجيني المويه حارة ثم اطلع للخزان اتفاجئ بان المويه داخله معتدله تماماً ، اتضح ان مشكلة الحرارة من المواسير وبعد ما تم عزل المواسير انتهت حرارة المويه عندي نهائياً .

جزاك الله خير مهندسنا الحبيب وبدل الخزان الاحتياطي اركب لوح شمسي وبطارية في حالة انقطع الكهرب احول عليها الدينمو

ركبتها بعد الاخذ بفكرتك .تحسنت عندي حراره الماء الي كنا نعاني منه بالسابق .جزاك الله خير .على كل ماتقدمه ..وحتى دفع الماء تحسن كثير عن الاول .بارك الله فيك

مهندس مساعد .. يعطيك العافيه .. فكرة جميلة وعندي ملاحظة بعد اذنك طريقتك هذي راح تخلي الدينمو يشتغل اغلب الوقت وبالتالي زيادة في استهلاك الكهرب بشكل كبير وراح توصل للشريحة الثالثه في الاستهلاك بوقت سريع

السلام عليكم، عندنا الوضع بالكويت مختلف ، ما عندنا نهائيا خزانات ارضية خرسانية او بلاستيكية نعتمد على ضغط الشبكة المائية او نضيف مضخة عند مدخل الماء للبيت عند بعض الأحيان ويكون خزان علوي مع مضخة للحصول على ضغط للمستخدمين في حالة انقطاع الكهرباء سوف يغذي المستخدمين بسبب ارتفاع الخزان العلوي وبدون مضخة ، ويمكن عزل الخزان أو عمل مظلة ، والخزان العلوي أفل من ناحية سهولة التنظيف والاستبدال ويكون بعيد عن عوامل التآكل و تسرب المياه الجوفية والري الى داخل الخزان

يوجد مضخة حديثة فيها كل ما تحتاج وشاملة حساس الضغط وخصائص ذكية اسمها SCALA 2 من جراوندفوس

انا والله عامل هذي الطريقه في بيتي بالباحه ولكن والله والله اضطريت اركب خزان وعوامه وارجع للطريقه القديمه والسبب ١- اولا تصرف كهرباء لان الدينمو يشتغل مع كل فتح صنبور ٢- مزعج صوت الدينمو كل شوي يشتغل ويطفى ٣- الضغط العالي يفجر المواسير خصوصا الشطافات لانه يحدث حاله تسمى الهمرينج وهي ارتطام الماء المندفع عبر المواسير بصنبور كان مفتوح وقفل فجئه ٤- عانيت من كثرة التسربات ٥- الضغط للماء المتغير مزعج للشخص الذي يستحم او يغسل فتجد الماء يرتفع ثم ينخفظ ثم يرتفع وهذا مع تشغيل الدينمو ٦- الاسلوب هذا يصرف ماء كثيير لان التدفق (flow) غير ثابت فيضخ كميات فوق الحاجه انا اتحدث من تجربه البديل الممتاز هي دينموات يوردها الوابل جدا جدا ممتازه الميزه الوحيده في هذا الاسلوب انك تتخلص من المياه الساخنه التي بالخزان العلوي وتحياتي لك

الماء في الخزان الصغير الاحتياطي يفسد نتيجة الركود لفتره طويلة دون تحرك

ببساطة انا اطفي السخان واستخدم مويته في الصيف باردة ولله الحمد. وبالنسبة للشطاف مركب له خلاط حار بارد. ولا استغني عن الخزان العلوي ولا أركب دينمو ضخ.

تشغيل الدينمو كل ما فتحت الماء بحد ذاتها مكلف كهرباء

يازين الناس اللي تفهم يرحيك ويرتاح ماشاء الله عليك يامهندس مساعد

الفكره ماهي عمليه تستهلك كهربه واجد وتخرب ليات الشطفات والبزابيز وحتى المواصير مع الوقت حتى الدنمو نفسه ما يطول سبق وان جربتها

اعتقد انها بتحل مشكلة حرارة الماء في الصيف بس بتزيد من استهلاك الكهرباء وكذلك لا تضمن استمرار الماء في حال خرب الدينمو او توقفت الشبكه

معلومات وتغطية وشرح بعدة طرق. جزاك الله عنا خير الجزاء

الله يجزاك خير وينفع فيك

فكره جميله بس المشكله ازعاج الدينمو كل شوي يشتغل وايضا اعتقد ضغط الماء بيكون قوي بحيث ممكن تهرب المواسير الضعيفه او عوامات السيفونات او لياة مربوطه اضافيه وتسبب مشكله فهل استطيع تحديد الضغط عند واحد بار فقط

فكرتك جميله والأجمل مروحه بفلتر تركب على فتحه الخزان العلوي وبزر وتشتغل فقط بالليل راح تقلل الحراره بنسبه 50 ٪

طريقة ممتازة أخوي مساعد بارك الله في علمك وعملك

تبارك الله اللهم زدالخبر وبارك جزاك الله خيرا

جزاك الله خير على ماتقدمه من علم نافع

جزاك الله خير لكن بالنسبه لحرارة المويه مو من الخزان من المواسير واذا تم عزل المواسيرانحلت مشكلة الحراره وهذا جربته ببيتي

الله يعطيك العافية شكراً لك

الله يجزاك الجنه

اشكرك بعنف .. تسلم والله .. اكثر فيديوات استفيد منها فيديواتك ❤اشكرك مره اخرى

جزآك الله خيرا ورحم الله والديكم أجمعين

مبدع كما عهدناك لاعدمناك يابو عبدالرحمن ...اخوك ابوزياد .. محافظة الطائف ..الله ينفع بعلمك ويبارك لك في رزقك ويرحم والدينا ووالديك .

معلومة مفيدة طبعا .. بارك الله فيك

جزاك الله خير توفير وفكرة رائعه

الله يسعدك .. فكره حلوه

ماشالله تبارك الله الله يبارك لك ويجزاك خير افدتنا وشرحك شامل وواضح وانت مدرسة ومرجع متواضع ومتعلم وخلوق جدا الله يعطيك العافيه ويجمل حالك وينفع بعلمك ويجزاك خير

مشاالله افكار مميزه بارك الله فيك وجزاك خيرا

في حال كثرة فترات إنقطاع الماء الحكومي..... تحتاج إلى خزان آخر

مينفع الحين الدينمو يشتغل 100مره باليوم يعني فاتورة الكهرباء !!

عساك على القوه بارك الله فيك على الافكار النيره

فكره جميله لاكن اذا الموضوع عن التوفير ممكن مانحط حجر بالواجهات ونضع مواد بديله لان سعر الحجر مكلف عندي مبني تجاري كلفني اكثر من ١٤٠ الف واجهه حجر . وايضا ممكن نوفر باستبدال ارضيات الرخام الغاليه بالبرسلان الاسباني جميل وأوفر وشكرا يامهندس مساعد علي الافكار الجميله

يارب سهل لنا وبارك لنا ولكم بكل شي... مع الطرق والحلول الجيدة... أكثر من ركب ظاغط الماء الجديد... اشتكى منه للذمه والضمير فقط...

فكرة حلوة بس اشوف انه يكون في خزان صغير مثل ما قال في نهاية المقطع ويغذي البيت افضل. كنت ساكن في شقة والدينمو كان يشغل مع كل فتحة بزبوز. اوقات البرد لما نستخدم السخانات كان ضغط البارد اقوى من الحار. فإذا تتروش الدينمو يطفئ ويشغل ويطفي ويشغل. طول الشاور وانا اعدل في حرارة الموية. اشياء بسيطة بس تأثر على راحة المعيشة

الله يعطيك العافيه مهندس مساعد ويجزاك خير على ما تقدمه سؤالي عن البويه البيضاء اش فايدتها وهل هي بويه أو ماده والسؤال للجميع لمن يملك الجواب شكرًا للجميع

جزاك الله خير

الله يجزاك خير

شكرًا لك اخي مساعد ممكن رأيك في الخزان الانبوبي ٨ بوصة في ارتفاع ٦ متر

الطريقة جيدة تنفع بفلة افرادها قلال اما عمارة سكنية ماتنفع ابدا لان بيكون فيه صرفية كهرب بيشتغل الدينمو مع كل استخدام و كمان ضغط الدينمو يؤثر على لحام المواصير ان كان بغراء

المشكلة مهيب في انقطاع الكهرباء بس, المشكلة كذلك في انقطاع الماء من شركة المياه, وهذا ما نعانيه. والمشكله الاخرى فترات ضخ الماء للمنازل متباعدة. فقد تستهلك جميع الماء في الخزان السفلي والعلوي, وتضطر تجيب وايت ماء من برا أو تنتظر فترة ضخ الماء التاليه لمنزلك, والمشكله ما تدري هل بتضخ والا بتنقطع. والمشكلة الاعظم قد يكون ضخ الماء ما يملي الخزان السفلي حتى. فالاحتياط واجب, حط خزان علوي وارتح. الله يجزاك خير ويعافيك اخوي مساعد

فكره جميلة لكن البديل في حالة انقطاع الكهرباء والخزان اللي قلت عليه يؤدي للركود الماء وتلوثها

فكرة جيدة عجبتني بالرغم من بعض السلبيات

تصلح للي يعبي بالوايت والي مركب خزان وشلون يخلي التغذيه من الخزان السفلي دايركت

اشوفها فكره رائعه ومميزه وفيها توفير واذا المكشله على انقطاع الكهرب برضوا بسيطه حتى لو حطيت خزان فوق وخلصت المويه فيه ماراح يتشغل الدينمو والكهرب مقطوع هذي الفكره في المستقبل راح تنتشر في كل البيوت بس يبغا لها وقت ..و شكراً

بارك الله فيك

دايم تقدم الاجمل اشكرك اخي العزيز

تشغيل الدينمو مع كل فتحه بزبوز مره مكلف للكهرباء

بالضبط هذا اللي سويته في بيتي زياده عليها الاكميوليتور حطيته في مكان مسكر بعيد عن الانظار و الخزان الفزقي صغير مع رداد عشان يصير اوتو بس يطفي المهرب ينزل من الخزان الماي

يعطيك العافية

بيض الله وجهك يا وجه الخير

جزاك الله خير م مساعد الا تعتقد ان مشكلة الفكرة المذكورة استمرارية عمل الدينمو الأرضي واستهلاكه بسرعه.

بيض الله وجهك وعظيم الله شانك

طيب يا استاذ وش رايك بفكرة الخزان الانبوبي ؟

الله يجزاك بالخير. فكره رائعه جدا. واتوقع غير مكلف بالكهرباء لدرجة اللي تتوقعونها. ولكن تنعم بالماء البارد. انا بيتي فيه خزان فوق في عز الصيف ماتقدر تتروش وتتعيجز تدخل الحمام فترة الظهر

خلك على نظام الخزان أمن انا رأئي كذا حتى لو انقطع الكهرب او خرب الدنموو ما تنقطع المويه عن البيت خاصه لمن يكون عماره ادوار

ولية خزان ثاني وبطارية وهذي القروشة سلك الحوش كامل على الطاقة الشمسية وخلي شرايح أضافية للدنمو من تطفي الكهرب يقلب على الطاقة الشمسية ولو تخلية كلة على الطاقة الشمسية احسن وسلك لفيش خارجي كهرب لو حصلت مشكلة تشبكة فالكهرب يدوي

ممكن توريني كيف اعمل الخزان تحت الارض وتسلم

صوت الدينمو جدا مزعج كل شوي يشتغل ويقفل

ماتكلمت عن الفرق في التكلفه المادية

السلام عليكم يا اخي شكرا على الشرح المفيد انا اريد ان اصنع خزان 2متر مربع في المنزل كيف ابدا

سوال يطرح نفسه يامهندس مساعد اذا تكرمت عندي استراحه دور واحد سقف شينكو !! لازم اسوي بطاريه فوق ولا عادي اوزع ارضي ،، الله يكتب اجرك ❤️

مهندس مساعد السلام عليكم ورحمة الله وبركاته ممكن اسم العازل المائي الي راش فيه السطح الابيض لو تكرمت

هل اقدر احط الدينمو في الدور الثالث ويسحب من الخزان السفلي

طيب مايضر الدينمو ويقلل من عمره مع كثر الاستخدام يعني انا ساكن في عماره 4شقق ودوى ارضي وكل شقة فيها تقريبا 7اشخاص ويكون الاستخدام اكثر من الطبيعي

كلام جميل مهندس . مواضيعك دايما مميزة بس جربناه . تكثر اعطال الدنمو واذا قطعت الكهرباء انقطع الماء

بدل المحبس الخزان تقدر تحط رداد بحيث يعطي مويه اوتوماتيك اول ما يخف الضغط لأي سبب مع اني اعتقد انه ما يحتاج اساسا خزان علوي

فكرة ممتازة مع تبديلها بمضخة سكالا 2 غالبا ولله الحمد في السعودية انقطاع الكهرباء نادر ويكون لفترات قصيرة ولو انقطع شغل المضخة على بطارية السيارة مع محول او زي ما قال المهندس خزان احتياط ما قصرت

نبي عن تصاميم الحدائق المنزلية والاستراحات بذات المشغل الذاتي عن بعد

أشكرك على افكارك الرائعة، ولكن فكرة إلغاء الخزان العلوي لا اتفق معك فيها تماما للأسباب التالية: ١- الغرض الأساسي من وجود خزان علوي هو ان تكون شبكة الماء في المنزل مضغوطة بضغط طبيعي بالجاذبية الارضية، مما يبقيها ثابتة دائما، الاعتماد على مضخة يسبب تردد في ضغط الماء عند الاستهلاك المتوسط والعالي. (توجد علاقة لاي مضخة بين الضغط والتدفق (flow) ارجع لها في دليل المضخة). ٢- الخزان العلوي يعطيك سعة تخزين إضافية، ومن المفترض ان تكون عندك كمية ماء كافية ليوم واحد على الأقل. ٣- انقطاع تدفق الماء للأعلى قد يتسببه إنقطاع انقطاع الكهرباء من الشبكة او مشكلة تماس مثلا في المنزل، او خلل في المضخة السفلية..إلخ .... الأسباب كثيرة لتوقف ضخ الماء وليست فقط قطع الكهرباء من الحكومة، وتخيل شخص يستحم او في الحمام وينقطع عنه الماء فجأة، ولا بوجد شخص فاهم في المنزل لاصلاح الخلل!

السلام عليكم ورحمة اخي الحبيب الخزان ليس سبب في تسخين الماء وقت الصيف السبب الحقيقي هو المواسير التي تكون كاشفه لأشعة الشمس بدون عزل أو تركب تحت البلاط وطريقة تسبيك المواسير بحيث تكون على مدار الحامي حق السطح ولا يوجد بطارية زي ماتسميها وهي اسمها موزع في اغلب الأحيان تدور الماسورة على الحامي وينزل خط مقابل كل دورات مياه أو مطبخ فيكون كل مساحة هذه المواسير تتعرض لأشعة الشمس والدليل على صحة كلامي انه بعد فتح الموية فتره حتى يروح الماء الحار الموجود في المواسير يجيك ماء دافي قليلاً مقبول استعماله يعني اعزل المواسير ماعاد في حرارة

جزاكم الله خيرا

طيب عندي فله وشقتين وخزان ارضي ١٦ الف لتر ! هل استطيع الاستغناء عن الخزانات العلوية؟؟

أحسنت النشر يا مهندس

طريقة قديمه وتستهلك ماء وكهرباء كثيرين ركبوها وبالنهايه رجعوا للخزان الضاغط دائما اعطاله 👎🏻

اذا في البيت مكيف صحراوي ما تنفع الفكره لانه دايم يسحب ماء ويخفف الضغط

فكره جيده لكنها مكلفة كهرباء والحل ابسط من كذا كثير اعزل خزان السطح يكفي

الله يعافيك يا أستاذ مساعد صراحه كل شي كان ماشي صح إلى الدقيقه 7.44 بعدها رجعنا على الطريقة التقليدية بس بشكل ثاني!

فئة حد حرب سكلا2 يعطينا معلومات عن تجربته وكم مدتها واهم العيوب

تكفا تكفا يا المهندس مساعد عسى دربك الجنه نبغى عن الإفلات تبع تصفية الماء من الاوساخ ابغي افضل نوع واذا في فلاتر تصلح للخزان بدل مركب بكل صنبور أفيدنا جزاك الله خيرا

طيب الخزان الصغير تكون ماء راكده طول الوقت واذا فتحت الخزان راح تجيني زنخت ماء

٣ ادوار كم حصان يكفي

طيب ياباشا مهندس واذا انقطع الكهرباء وش نسوي والا عندك ضيوف

اسمحلي الاستغناء عن الخزان العلوي خطاء كبير ..

سلام عليكم لاحظت مراوح التبريد بالسطح سؤال اذا منزل بناء قاطين يصير نضعها في السطح ام محمد بغداد

كيف أعالج مياه الخزان بحيث تبقى باردة أو تميل للبرودة؟؟.

فكرة الدنمو حلوة لكن فكرة الغاء الخزان العلوي ماتنفع معنا لأن أحيانا ينقطع الماء من العمومي بالأيام ونستفيد من الماء المخزن في البيت .

كلام ممتاز لكن يجب تعرف أن تشغيل الغطاس أو المضخه يصرف كهرباء ويصير جهد على عدد مرات التشغيل

مساء الخير م/ مساعد ممكن تفيدنا بالمحل الي يبي عازل الحراره للاهميه كرما منك

اخ مساعد ابي رقم سباك ممتاز

الشبكه عندك مواسير خضراء وحجم بوصه وهذا خطاء ثانيا مشاكل الدينمو ودفاعته متكرره ومتعبه جدا وسبق جربناها كثير

كيف نسوي بالمواسير في حال الآن عندنا دور أرضي فقط وبالمستقبل نبني دور آخر ؟؟ وجزاك الله كل خير على كل ماتقدمه

كم حصان انتظر ردك ضروري دورين وملحق

ما شاء فكره ممتازة ... و لكن الحل المقترح في حالة انقطاع الكهرباء غير شافي

الظاهر يا باش مهندس انك لم تجرب هذه الطريقة في البداية تشعر انها جميلة ومفيدة ولكن مع الوقت والاستعمال تظهر عيوبها من كثرة الأعطال

بخصوص الكهرباء... حط لك جنريتر للطواري نوع هوندا انفع وارخص من فكرة الخزان الاحتياط