Social Netzwork : dr.alimammadli
Fuad Poladov - Dəniz nəğmələri - Rəsul Rza (1993, səs daha keyfiyyətli)
DƏNİZ HAQQINDA NƏĞMƏLƏR GİLEY
Dəniz dedi ki,
sahillər sıxır məni,
Darıxıram qayaların
əbədi çəmbərində.
Dalğaların rəqsinə baxma.
Üstümə pul-pul tökülən şəfəqlərə,
sinəmdə itib gedən üfüqlərə
baxma!
Dərdim çoxdur dərində.
Darıxıram sahilin çəmbərində,
Mən davam etdim yoluma;
düşüncələrə bürünüb.
Dənizə baxmadım,
Getdim fit çala-çala,
ləpirimi qumlara sala-sala.
Getdim sürətlə, qəsdən;
bəlkə uzaqlaşam
məndən cavab istəyən
bu səsdən.
Mən getdim, dəniz gəldi arxamca.
Gəldi səsli-küylü
Dedi: - Bəlkə məndən bir ovuc
aparasan!
Bəlkə bir damla dərdimi
sinəmdən qoparasan.
Küləklər şillələyir məni, - dedi, -
Günəş qurudur məni, - dedi, -
Qayalar parçalayır dalğalarımı.
Eşidirsənmi, ey!!!
… Ayaq saxladım bir an.
Bağırdım səsim gəldikcə:
Nə qaraqışqırıq salmısan!
Əli qoynunda durmuş balıqçılardan
xəbərin varmı?
Səndən kiçik deyil
ürəklərinin tutumu.
Neçə dünya yerləşir orda:
Nəsimi qəlbi kimi.
Onların da qəlbi
çəmbərindədir.
Xəzri susdurur onları,
səni nərildədir.