今晚一家人去咗銅鑼灣mr steak 食自助餐，今日食嘅係頭輪，即係平啲嗰一輪，個人感覺就像直升機，伏伏伏伏伏。 首先講返個價錢，依間嘢正常5:00嗰輪要四百幾蚊， 不過今次有鄰居嘅員工plan， 只需要三百幾蚊。 嗱價錢呢就其實唔貴嘅，不過食物質素就。。。。 牛扒方面 叫得牛扒先生就講牛扒先。嗱，平心而論，依個價位，我覺得佢啲牛扒係合格嘅，肉味唔錯。不過我認為有個點可以做得更加好，本人都食過其他餐廳嘅自助餐，可以佢哋切牛扒嗰個師傅講要熟啲生啲，咁樣就可以就返每個客嘅口味。不過今日依間餐廳就有啲搞笑，明明同佢講要生啲，去切咗嚿差唔多全熟嘅俾我，咁個結果咪就係有啲鞋囉。 佢仲有壽喜燒牛肉同埋煎牛肉，依兩樣就正常發揮，同喺街市買嗰啲美國薄切牛差唔多味，平時八十零蚊就有10幾塊，講真我感覺有啲似水魚。 其實我坐低食完個牛扒之後都覺得有啲gg，質素真係一般，不過仲安慰緊自己可能其他嘢OK呢。點知之後仲大鑊。 海鮮方面 佢有啲凍蟹腳螺同埋蝦，啲蟹完全冇味，唔知食緊啲咩。嗰啲螺肉就好似擦子膠咁完全冇味，而且好難咬。蝦我冇食，食完之前嗰兩樣唔敢掂。 日本嘢方面 刺身 佢有玉子蟹柳三文魚，八爪魚立魚五種。玉子蟹柳八爪魚就一般般都好難唔好食。但三文魚就感覺有啲唔新鮮，不過都唔算好大問題。嗰條咁嘅立魚先離譜，嗰舊嘢係腥㗎，完全係垃圾。 蕎麥麵 依個都係垃圾，蕎麥麵汁好鹹；蕎麥麵好腍；冇冰鎮住嗰啲面同埋汁好暖，失敗之中嘅失敗。 天婦羅 去有五款天婦羅分別係蟹柳，芋頭南瓜蝦冬菇，依個反而整得唔錯，唔算太油味道幾好，不過我個人認為個天婦羅汁可以改進一下，佢好似係用豉油調出嚟嘅有啲古怪。 生蠔 佢仲有生蠔，簡直係一言難盡。我上網睇啲KZfaq話好好大隻好飽滿，而且鮮甜有海鮮味。現場我食完都覺得有海鮮味，係水魚味。頂佢個肺隻嘢勁細隻，啲肉勁少，仲要唔太鮮甜冇乜蠔味，甚至乎有啲腥，失敗。 甜品 好啦，食完依啲諗住試吓佢啲甜品，點知差算未算差。小弟拎咗Tiramisu，栗子蛋糕，朱古力蛋糕，三樣都唔好食。Tiramisu同埋朱古力蛋糕就正正常常，只係小弟平時食嘢通常都唔落糖，我個人認為甜得滯，不過都係個人口味問題。但係嗰個咁嘅栗子蛋糕真係要屌，頂佢成件蛋糕剩係得cream，完全唔見有栗子蓉，仲有其他雜果蛋糕都係全部都係忌廉，好心你冇心做就唔好出依樣嘢。 不過，依間嘢啲雪糕幫佢攞返分，佢用Häagen-Dazs雪糕，所以肯定好食😂😂。同埋佢有一輪心太軟，個心太軟皮薄爆漿，而且朱古力濃度唔甜，係今日嗰餐最好食嘅嘢。 熟食 跟住就嚟到今日嘅重頭戲，熟食區。等我慢慢小。紅酒會牛脷鹹得滯；薑醋蛋冇醋味；咖喱牛腩咖喱汁唔夠濃；中湯有味精味；酥皮西湯個忌廉湯一啲料都冇；海南雞冇雞味；卡邦尼意粉冇卡邦尼汁望落去係乾嘅完全冇人郁過。最值得屌嘅係嗰個糯米飯，我知我知你生炒，但唔係叫你炒生糯米，我又唔係食緊意大利飯，唔使半生熟㗎，嗰個飯完全唔熟，我都唔係好明點樣可以有個蒸籠蒸往，嗰啲咁嘅飯仲係生嘅。 講返啲正常啲嘅，紅油炒手紅油味唔錯，薑蔥蠔都可以，講完冇啦。 沙律芝士餅乾區 正常e一區都唔會出咩事，但今日就出咗事囉。煙三文魚鹹到完全食唔到；送芝士嘅餅係腍㗎頂；嗰啲咁嘅芝士係臭㗎。我真心無言。 服務態度 我哋去食5:00去到7:00，但係佢哋6:30開始已經收緊我哋餐具，可能我見識比較少，原來食自助餐係要提早收餐具嘅。仲有，我哋係坐喺甜品區隔離， 不雪糕嗰幾條友係咁喺度吹水，吹得鬼死咁大聲，叫你返工你吹水？ 總結 三百幾蚊5:00食放題其實一啲都唔平，對比同價位嘅大喜屋集團，依間嘢簡直就係垃圾，我都唔係好明點解有啲KZfaqr話佢好好食。依間咁嘅嘢如果原價第一輪要四百幾蚊，第二輪要七百幾蚊淨係多咗望落去唔新鮮嘅波士頓龍蝦， 日本和牛，真係當我哋消費者係水魚。都係嗰句，大陸食嘢又贏咗，bye HK.

讚🎉🎉❤❤精彩介紹👍🏻👍🏻☕️☕️🤣🤣🤣⚘️⚘️✌️✌️👏👏😘😘😍😍

非常好介紹

多謝介紹🙏🏼

自助餐這種方式提供了無限的選擇，讓我們決定自己想要什麼和多少。 然而，也因為這中自由，我們往往對自我約束的能力面臨挑戰。 對一些人來說，過度的選擇可能導致過度的消費，既造成浪費，又可能對健康產生影響。 最近看到紐西蘭劉鄭先生的《大仁》著作，裡面講“人至上”，人是第一位的。 所以，把人放在第一位，才能更好地選擇為人而用的食物，學會平衡慾望和實際需求，使我們能更好地享受自助餐，而不被其所困擾。

都幾好

你口音完全聽得明白 好細心 滄海遺珠！加油

晚市自助餐幾錢位啊

見到掌櫃拍得好詳細❤，支持

呢間我都吃過，真系好好吃❤介紹的好詳細啊，會再去

點解D人要不斷批評人哋口音，好心啦，我真係唔信香港人聽唔明！心胸狹窄唔識包容的先影衰香港人

有冇午餐的？

有冇午市自助餐架？

有冇自助午餐

呢間野好貴同食物普通

有lunch buffet ? 幾錢？

幾多錢

銅鑼灣邊度

😊

人啲介紹美食，又唔係教語言～語言係用來溝通架，我句句都聽的明哦～版主繼續加油👏🏻❤

有冇目助午餐？

幾多錢？

梳乎厘湯？😂😂😂 係叫酥皮忌廉湯呀

幾錢位

另外你有剪指甲 非常衛生一定是暖男 我這幾次的留言，你一定好開心。甜甜蜜蜜生日快樂幸福永遠

次次啲星生日都會去，俾佢心太軟吸引

幾錢一位？

你介紹食物既先後次序可以再考慮一下，生蠔呢啲比較吸引人的食物應該放最前，冇理由連冷熱水機都介紹埋才介紹生蠔😂。起始唔介紹最吸引的，未必個個會有興趣睇到最尾。

那麼貴上深圳消費

你有 promotion code 先至有9折，如果唔係人均$7XX，價錢拍住5星酒店

回想五年前在這間餐廳包場擺結婚宴，由中午十二點到下午三點，價錢合理，食物超值。 每位客人有四選一主菜，及甜品壽司沙律吧任食。 每個客人都讚不絕口，是一間值得推介的餐廳❤

怎樣介紹，需要報上幾多錢一位給網上觀看的客人吧

Dislike 連廣東話都講吾正😂we are Hong kong

我食過生蠔有活蟲, 好恐怖

嘩～呢個人講嘢想點。口齒極不流利，[上湯媽媽菜」😂😂

呢間難食 已經冇食幾年

收音真差劲！

你食到亂晒龍😅😅😅

呢間性價比高啦，如果呢間都難食，咁就無乜邊間好食

呢間垃圾可一不可再

沒说收費,不專业,打

廣東話唔正好難聽明

識唔撚識㗎你