مرحبا بيكم حبيباتي في أنستغرامي: instagram.com/ywmyt_fty?igshid=YmMyMTA2M2Y=

والله يالحبيبة راكي جيتي على الجرح داري مخلطة وقشي يطايش في كل مكان وولادي صغار ادعيلي ربي يشافيني ويتمملي حملي على خير

درتي كيما بشرى بوعنان دخلتو ديار مايتسكنوش رجعتوهم هايلين الله يبارك يعطيكم الصحة وربي يبارك فيكم

لاحول ولا قوة إلا بالله يا بنيتى أنا مرأة مسنة ومازلت ندير النتوياج ونحب خدمتي ودار نقية تبعث راحة نفسية ربي معاك بنتي😱😱😱😱😱😱

والله راحة البال و الهناء كون متكونش الدار نظيفة و زاهية و في المستوى و نحسب مثلك تماما كل دار نصرف علاها ما بين خمسة ملاين و سبعة مخساراش خاتر أقل حاجة نقعد فاها ربعة سنين من صبغة و بوتاجي ديما نلقاه سيما ديما نركب فيه فايونس و لا رخامة و لي باس تع البيبان و لي دوي تع الضوء و ريزارفوار المهم نردها دار تليق بقيمة الإنسان خاتر داري هي جنتي هي مملكتي الخاص و هي الصورة تيعي قدام الناس

انا 3 رحلات في عام تعبت خلاص كل دار ندخلها نتصدم و كمية العفن و الاوساااخ كااارثة كارثة و الله نحير كيفاه عايشين فيها نرمال و الله ادعولي دار الجاية تكون نقية برك 😘

الدار حاجة اخرى كي دخلتي ليها نقيتيها وزهيتيها ربي يبارك في صحتك ولعقوبة لدارك 😘😘

ماشاء الله تبارك الرحمن علي دوك ليدين ليخرجوا لعجب من كل حاجة دارك كيفاش كانت وكيفاش ولات لوكان واحد أخر يهرب ونت رديتيها جنة ربي يهنيك ويغنيك ويفرحك ويبعد عنك ولاد الحرام ويحفضلك ولادك ويفرحك بيهم ماشاء الله عليك مرا وفحلة وتستاهلي كل خير نتمنالك نجاح وسعادة يارب العالمين وينورلك طريقك

انا في دار للكراء و لقيتها مخربا.و سقمتها و مزال ....و الحمد لله.ربي يعوضنا بدار تكون رزقنا و يفرح علينا ملانا.انشاء الله

ارفع لك القبعة سيدتي وربي يعطيك صحيحتك ويجعلها عتية مربوحة ويجازيك على النصائح ربي يهدي هاذ الناس لي يقدرو يعيشو في اماكن معفونة

الله يعطيك الصحة حبيبتي زينه 💓 كلامك عسل مقطر و ذراع الوافي ما يحافي ربي يخليلك صحيحتك هذا حال المرا النظيقة المكافحة جزيت الجنة

يعطيك الصحة انا تاني ساكنة في السكن الوظيفي ورضيته يشعل الحمد لله النظافة من الايمان

الحمد لله سكنا في السكن الوظيفي وصرفنا عليه من جيوبنا ونقينا وربي سهلنا وعطانا على قد نيتنا 🙏😍يعطيك الصحه حبيبتي على الكلام المعسول والموزون ❤❤

ديري في البلاكار تاع الكولوار ديريه فيه اطاجار يعاونك بزاف وفي اللوجيا ديري اطاجار يعاونك ربي معاك ومتضيقيهاش على روحك عوام ويفوتو وربي يفرجها وديري دار ان شاء الله

يعطيك الصحة وربي يباركلك في صحتك والله رانا كامل كيف كيف انا كي هدرت ووريت تصاور فالفايس ماعجبهوش الحال و عايروني والله أنا خليت الدار في بسكرة عروسة لي دخلولها انخلعو وانا لقيتها كارثة قالك مراض علاش حنا دايما صحاح حنا تاني نمرضو بصح الحمد لله والفنا النقى

والله ختي رحلت من تلمسان لتسمسيلت قلبي خرج باه نقيت الدار وانا بالحمل كلش عاودته وسكنتي تع تلمسان خليتها تشعل والله لي سكنو بعدنا دخلوها ديراكت بصح والله غير نمرض لوكان نقعد في الوسخ حوجي ناس راهي غير تاكل وترقد ربي يعطينا صحتنا باه نديرو دار نقية لوليداتنا باه يقرو ويعيشو في جو يريحهم حسبنا الله ونعم الوكيل

مساء النور علي حبيبتي قلبي كراكي توحشتك يا عمري ربي يسلم فمك علي هذي هذرة لي كي سكر مكانش كي نقي ونظافة من إيمان 💜💜💜💜💜💜💞💕💞💕

ربي يباركلك في صحتك ويرزقك سكن ملكك يارب والله فرق كبير اكتر حاجة شابة غرفة الجلوس مريحة وهادىة والله يفرج على كل مغبون انا الحمد لله تعبت بزاف بصح درت سكنة ملكي والله الحمد لله دوما وابدا

يعطيك الصحة ويبارك لك فيها حبيبتي🌹🤲😘والله يرزقنا اجمعين بمسكن يكون سكن لنا سعادةو محبة تجمع افرادهعلي طاعة الله 🤲ربي انز لني منزلا مباركا وانت خير المنزلين❤

ماشاء الله عليك يا الفحلة كيفاش كانت و كيفاش ولات سبحان الله ربي يخليلك صحيحتك و يفرحك و يفرح كل محتاج بسكنى عن قريب يا رب🙏🙌

دارك رجعتها روعة ربي يبارك أنا راني في ربع سنين كرية من دار لدار يكرلي غير لحيطان معنديش مابل معنديش سرير وشموبرة كوشي معنديش صالون معنديش طابلة مونجي راني متمتية كوافاز باش نحط مكياجي راجلي رافض فكرة يشري مابل اعطني كاش افكار ولا نصائح باه نعمر داري ربي يخليك متتجاهليش تعليقي

اللهم اشفي معلم ابني اسحاق و يعود الى تلاميذته و مدرسته امين يارب عالمين مرضه مستعصي وبدعاء يكون شفاء عاجل انشاء الله

الله يعطيك الصحه اختي ربي معانا وربي يعطينا صحتنا ياااااا رب

فرق كبير حبيبتي فاتي كي دخلت لهدا الدار و دوك رجعتيها توب عجبني بزاااف صالون تاعك ،ربي يقدرك و يخليلك صحتك

ربي يكون في عونك حبيبتي ويعطيك صحتك والله تعب كبير الله المستعان وخلاص ان شاء الله ربي يفرج عليك وتستقري في دارك يارب

عنك الحق والله كرية داري عيب نقول عليها مرا غير الدود لقيتو يمشي اعزكم الله

يعطيك الصحة متابعة جديدة انا تاني رحلت لسكن وظيفي ولقيتو شوية منحكيلكش أم ريهام من وهران

كارثة لي فحلة فحلة والله حنا صراتلنا خرجت وحدة من دارنا كنا كاريينهالها دار الله الله اقسم بالله مقدرنا نتقبلو كيفاش لقيناها كارثة عاودنها مي الحمد لله دوك راها كاريتها انسانة الله يبارك استعملي فوراكسبراس لزرق لافايونس هايل

سلام ام ياسر كيركي دارك نقية مشاء الله صح ڨاع في نقا وترتاب ان تاني رني غير كراية والله غير رحلا تعيي ربي يرزقنا بساكن إنشاء الله،⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩

يا ختي نضافة من ايمان بختي لازم ضروري تنضيف او كيفاش لازم صح نحدرو صحة بصح لازم تنضبف البيت

الله يبارك أولي مرة نشوفك عجبتني ،👍👍👍👍مئات جام

ياربي وارحم امي ياربي وارزقني الذرية الصالحة في اقرب وقت وفرحني ياربي ويزوجو خاوتي يتهناو مساكن 😢

اول تعليق ربي يعطيك صحتك اناي متلك وربيت اولادي علي نقاء 😍🎉🎊

انا كريت دار كانت ساكنتها عجوز كبيرة وكانت مريضة مسكينة بالزهايمر وتوفات بقات دارها كرهالنا ابن خوها لقيتها كارثة ومام قشها محبش يخرجو ويديه والله وعندها قش بزاف مابل وقش كوزينة ومسكينة كانت تتبول علي روحها خلات حتي قشها تاع اللبسة مش مغسول لميت قشها كامل في الصالون ونظفت وش قدرت بصح قشها دارلي الريحة ولد خوها محبش يجي يديه قالنا احرقوه ولا طيشوه ربي يسهل والله راني في مشكل ٠ربي يكون في العون

ربي يقدرك ويقدرنا ملاحضة صغيرة طابلة مليحة ديريها مع صالو احشريها ف ي جيهة. ولا اعكسي فوتاي ديريه جيهة معاكسة باه تبقالك بلاصة لطابة. جربي وطابلة لي راهي في كوزينة ديريها مع لفريجيدار واسمحينا انا نضل نحك كون نلقا نقلبها جنة بلاك كونو مسكرين مدة طويلة عليها تلم لخماج وهذا ك لعفن ؟

كي شفتها في اول قلت مستحيل تتنقى بصح رديتيها دار وعليها كلام ربي يرزقك نشاله بسكن

سلام حبيبتي توحشتك بزاف ربي يجازيك علي لي قلبتيها دار انا هذا المرة عييت بالصحة لحد الساعة راني مازال نقفل في الغيران حاشاك وسبيغة لبلاكار لي عندها صحة وامخليا دارالوضيفة نقولها حسبي الله في كل وحدة والله طيحتونا الصحة وخليتوا الناس تدحك عليكم ربي يجيبهالكم

كلامك صواب عندي مرت سلفي كارثا تدخلي دارها تعاودي تخرجي او شاريا غير ماعن غاليين او شابين او دارها كاارثا راني نخمم قلب لي عندها او قلب راجلها كيفاه راهو يرقد الله يهديها لي يدخل ليها يعيفها

ربي يكتبهالك حسنة جارية راحتك النفسية هيا الصح

الله يعطيك الصحة و العافية بارك الله فيك نتي و في كل واحد دخل سكن و دار فيه نيتو

والله يحسن عونكم كل مرة دار ربي يقدرك حبيبتي

الله يبارك عليك فحلة ما شاء الله ومغلتش لي سميتك بالمرأة الحديدية ربي يبارك في صحتك وعمرك ويفرحك باولادك يارب العالمين من فضلك خليلي انستقرام تاعك بأه نتواصل معاك نحبك في الله يا صاحبت القلب الطيب 🥰🥰😘

تبارك الله ماشاء الله عليك أختي بغيت نسولك شنو معنى سكن الوظيفي أمال من المغرب

بارك الله فيك علابالك علاه مخليينها هاكداك لاخاطر ماهمش دايرين النية في الدار تقولك نتعب روحي على دار خاطيتني . ربي يهديهم

صح جل السكنات الوظيفية كااااارثة كارثة يعجز اللسان عن وصفها ربي قدرنا أجمعين

يا ختي الله يعطيك الصحه و العافيه و الله يعطيك رزق حلالي و دار واسعه و شابه نتاعك حر مالك يا ربي تفرج عليك و تفرحك

عندي ختي مثلك كل فترة ترحل وتغير السكن الوظيفي طبعا والله لما رحلت آخر مرة وشافت الدار مرضت من المنظر والحالة لي لقاتها فيها

السلام كيف الحال راني نسيتها مي كي عاوت شتها جاني قلبي كنت رايحه نفطر حبست الله يهديهم خلاوني بلا فطور

الله يبارك من من خرابة رجعتي جنة الله يعطيك الصحة

مشتركة جديدة معاك حنونة شفت قناتك صدفة وعجبتني والله غير راني مصدومة فالدار كيفاش كانت ربي يوفقك ويحفظك انشاء الله صوتك شباب بزاف وتدخلي للقلب بدون استئذان حبيتك بلا منعرفك

تبارك عليك نحبك في الله.متتبعة من المغرب😘😘😘🥰🥰🌹🌹🌹🌹🌹

ماشاء الله رجعتها روعة ربي يقدرك ودير دارك بادن الله سكن وضيفي يطيح الصحة

ما شاء الله عليك ختي امرأة بالطبع ربي يقويك

السلام عليكم ورحمه الله وبركاته اتمنى لكي التوفيق والنجاح انشاء الله اللهم يسر ولا تعسر

والله يا اختي ما نيش عارفةكيفاه كانو ساكنين في هذا العفن الله يعطيك الصحة

الله يعطيك الصحه حبيبتك امينه من وهران قاع رانا مغمومين.معدناش.السكنه.الله.غالب..

والله راني كارية مدايراش قاع فراسي بلي مشي سكنتي انا وحدة من الناس كبرت فنقى ومنقدرش نعيش فالوسخ الله يعطينا الصحة يارب

سلام حبيبتي ربي يباركلك في صحتك يعطيك الصحة و العافية كما نقتيها الدار ربي ينفي و يزهي ايامك نتمنالك التوفيق في حياتك العملية احبك في الله حبيبتي سلامي الحار لكل العائلة 😙😙😙😙😙❤❤❤❤❤❤

عاادي كااارثة والله هادو هبلووو 😓♥️♥️♥️♥️🌹يعطيك الصحة ختك

عندك الحق بصح كيم ناس سكنين ولكن ضروف الي ميقدروش بش يسكنون ربي يفرج ربي يحفظك ويبارك فيك

ربي يهديهم واحدة كي دير النية في العتبة يتربح ولا تخرجها على خير ويعطيك الصحة والعافية❤

مجرد رأي.....طابلة تاع صلامونجي دخلها للصالو خاطر ماتاكليش فوقها أصلا وحتى من الناحية الجمالية تجيك باهية ومكملة للصالو لكونجيل خرجيه مع ثلاجة طابلة دزيها بلاصة لكونجيل

فيديو مفئد يعطيك الصحة هاكدا المراة المكافحة

ماشاء الله كلامك صواب ربي ايوفقك و يحفضك و نتمنالك كل خير حياة من البليدة جود بالموجود

يعطيك الصحة ردتيها تهبل ماشاء الله

ولله قاع يخمو هاك لي يسكنو فلسكن الوظيفي الا ما رحم ربي قليل وين تلقايها منقية دارها رانا ساكنين معاهم ونشوفو قلبك يجيك وربي معاك ويرزقك على قد نيتك ان شاء لله

باخاف من فكره اللي امشي من سكن لسكن بس غصب عني بابقى مضطره

خدمة نظيفة ماشآء الله رجعتيها تهبل بصح تهدري بزاااااف خير الكلام ماقل ودل

السلام عليكم أم ياسر كيراكي اختي الكريمة عواشركم مبروكة ينعاد علينا و عليكم بالصحة و الهنا إن شاء الله الله يعطيك الصحة موفقة إن شاء الله أحلى لايك و جار م ك 💝🇩🇿✔️الله يفرج عليك و يفرحك بسكنة مباركة ان شاء الله

يعطيك صحة امي غالية ❤

خسارة على الناس فسدوهم كامل والله عيب كبير باه وحدة تخلي سكنتها هكذا وحشومة لانه هذا الحي يسكنو فيه غير ناس من درجة عالية في العمل وعندهم خلاص مليح ابسط الامور ينضفو مكانهم ربي معاك اختي وربي يقدرك

.نصيحة لكل وحدة كارية ما تكثروس ماعين وخاصة صوالح زجاج عارفة روحك كارية وفي اي لحظة ترحلي ديري حسابك واشري قيسك قيس روحك وزيد مثلا ماتشريش كوشة اشري فور وبوتاغاز هكذا استحفظوا قد ما تقدروا..........

صدقيني انا كنت راحلة سيزاريان ونقيت البلافون ونقيت كل شي .رب يهدي الجميع رب يعيشك ويرزقك من حظوظ الدنيا أجملها رب يسهل امورك ويسخر لك من عباده الصالحين الطيبين امثالك بالتوفيق ان شاء الله

انا راني كارية و رحلت خليتها تغوي تشوفي فيها وجهك الحمد لله ❤ واني مفتخرة و رحلت لدار اخرى و لقيتها خربة ومعفونة ربي يعيننا وصاي😢

ما شاء الله عليك ربي يقدرك إن شاء الله صح مكانش كيما النقا يا لطيف من الوسخ النظافة من الايمان الله يقاويك اختي ربي معاك إن شاء الله العتبة مليح الواحد يتهلا فيها و لي ما يتهلاش فيها تقيسوا النقا مليييح يا أختي العزيزة ✔️ ربي يبارك في صحتك لازم المرا تخلي پلاصتها نقية

سلام رجعي صالون تاعك لجيهة تاع الباب لي بين صالة الاكل وصالة

نشجعك ونتبعك مودال وتطبيق اني في الوظيفي وانا نحب التصميم والديكور والتغيير

الله يعطيك الصحة اختي النظافه من الايمان

واخيرا لقيتك مشاركة عندك مايطلعليش كي ديري فيدهات حتى ندخل نحوس عليك

الله مستعان كين بعد الناس عاد عندهم ربي يهديهم النظاف اهم شىء بيصح خطرت نمريض نهار ولا يومين نحس دار ولت كوري الله يقدرنا وبرك

سلام عليكم حبيتي لحلوى كي نسمعك نفرح ربي يعطيك صح والعافية ويطول في عمرك وعمر وليداتك 🤲🤲🤲🤲🤲🤲

صح والله ديار كريثة. ربي ايجيب الخير نلقاوهم ماتقدريش حتى تشوفي فيهم مع تدخلي تتخنقي

بارك الله فيك ربي اخليلك صحتك ربي افرج و تعيشي في بيت كبير و جديد على حسب قلبك او نيتك يا قانوعة و طيوبة وين تكوني نكون معاك حبيبتي صح لازم يكان هو صح

الحمد الله يا ربي رديتيها دار و عليها الكلام الله يعطيك الصحة

‏كلامك صحيح مية في المية

جابلي ربي اللي ساكنين هنا يكونو رجال وحدهم محال امراه بولادها يسكنو فبلاصه كيما هاك

راني موافقتك على كلامك انا منقدرش نعيش في لعفن خطرة رحلت وانا حامل ومريضة ولقيت الدار في حالة خاصة الحمام رجعت لعند امي وسجلت ولادي عندها حتى ولدت 4 اشهر ورجعت عدلتها ونقيتها انا يجيني للاكتئاب من الوسخ

عندك الحق يعطيك الصحة

بسم الله ماشاء الله تبارك الرحمن تسلم الايادي المدية ربي يحفظك ويسعدك ويوفقك ويبارك في اولادك يارب 😍أم فارس

شكرا حبيبتي والله كامل تعبنا في السكن الوظيفي بصح الحمد لله

كلامك صحيح وعتبة مربوحة وربي يكون في عونك

يعطيك الصحه الاخت ...مكاش كيما النقا الله يبارك

والله كلامك صح 100/100يعطيك الصحة و العافية ان شاء الله 🌹🌹🌹🌹🌹

يا لحلو بصح بانت سكنتك ولت مشاء الله يا لحلو لنضيف نضيف في جسمها ومكانها و لسانها الله يهدي ما خلق

سلام عليكم الله يعطيك الصحة اختي هذي لي كانت ساكنة حية ولا مية الله يجيب الخير وانتي ربي يعطيك الصحة والعافية والتوفيق للجميع

انا ثاني كنت كاريا ودخلت لسكن الوضيفي الحمد لله والدار لقييتها كثر على تاعك وعاودتها وعاودت الدوش وعاودت الكزينة كبرت ف البوطاجي لازم الي ساكنة ف السكن الوضيفي تخلي الدار نقية قبل ماتخرج

مشتركة جديدة ومرت جدارمي كيفك حتى انا جاتني لميطاسيو لسعيدة بصح للأسف مامدوناش السكنة و راني انا وولادي في جيهة وراجلي في جيهة ادعولي ربي يلم شملنا يارب

واو 🤩 روعه هاذ الفيديوهات طاقه ايجابيه والله ربي يحفظك يقويك ويعطيك الصحه اختي 🙏🫡

يعطيك الصحة و خير او ربح تخلعت كي شفت الدوش كيفاش كان

علاه تكثرو لي مقابل كل خمس سنين في بلاصة 0تى انا كنت گيما انتي مدة 17سنة ديت حاجة قليلة وكملت بيهم كي دخلت سكنتي تاع السيفيل طيشت كلش وسريع الجديد والحمد لله ام يزيدو عليكم موش ينقصو