(කාංචන කුමාර ආරියදාස 077 3416157 ඉමෝ 070 6416157)
2023.12.07
ගෘහ සේවයට රට යවන්න ඇඟ හැදෙන්න බාල වයස් දැරියට ලබාදුන්නු හෝමෝන එන්නත වැරදි සිදුවූ විපතක තරම.
ගලේවෙල බඹරගස්වැව හැකිරිල්ල ගමේ පදිංචිව සිටින මල්ලිකා පෙරේරා වයස අවුරුදු පනහක දෙදරු මවකි. ඇය වසර පහළොවක පමණ කාලයක් මැදපෙරදිග ගෘහ සේවයේ රැකියාව කොට ඇත්තේ බාල වයස්කාර අවධියේ සිටය. තම මව පියා සහ නැගණියන් ජීවත් කරවීම සිදු කිරීමෙන් අනතුරුව ඇයගේ ජීවිතයේ මෙන්ම දරුවාගේ ජීවිතය ද මේ වන විට අවදානමට ලක්ව ඇති බව පවසන්නීය.
බාල වයස්කාර දැරියක් ලෙස විදේශගත කිරීමට ඇයගේ සිරුර වර්ධනය කිරීම සඳහා රැකියා ඒජෙන්සිවරයෙකු කොළඹ ප්‍රදේශයට රැගෙන ගොස් හෝමෝන එන්නතක් ලබාදීම තුළින් ඇයගේ ශරීරයට හෝමෝන වර්ධනයක් සිදුව ඇතැයි ඇය පවසන්නීය. ඇයගේ ලැම ප්‍රදේශය ස්ථූල බවට පත්ව ඇය අසරණව සිටින්නීය.
කුලී වැඩක් කරගෙන ජීවත් වන ඇයගේ සැමියා අප නිවසට යන විටත් නිවසේ සිටියේ නැත. පළමුවන වසරේ ඉගෙනුම ලබන ඇයගේ පුතා වෙනුර ප්‍රසන්න ඉඳුනිල් මේ වන විට හෘද වස්තුවේ සිදුරක් නිසාවෙන් රෝගී තත්ත්වයට පත්වුණු බව ඇය කියයි. පුත්‍රයාට ප්‍රතිකාර ගැනීම සඳහා මෙන්ම ඖෂධ ලබාගැනීම සඳහා මුදල් නොමැති වීම බරපතල ප්‍රශ්නයක් බව ඇය හැඬු කඳුළින් කියයි .මොවුන්ගේ ආර්ථික දුෂ්කරතාවයන් මෙන්ම සමාජයේ විවිධ එල්ලවන හිරිහැර කරදර මදිවාට ඇය ඉගැන්වූ නැගණියන් තමා අමතක කර ඇති බව ද ඇය සමග පැවසුවා
ආර්ථික දුෂ්කරතාවයන් නිසා බාල වයස්කාර වියේදීම විදේශගත වීම සිදුකරගත් මෙම සිද්ධිය අදට ද ඇය ජීවිතයෙන් මානසිකව ශාරීරිකව වන්දි ගෙවමින් සිටින්නීය. තමන්ට කාගේ හෝ උදව් උපකාරයක් කඩිනමින් අවැසි බව ඇය සඳහන් කර සිටින්නීය.
ඔවුන්ගේ ලිපිනය බි . එච්. ජි . මල්ලිකා පෙරේරා, හැකිරිල්ල, බඹරගස්වැව, ගලේවෙල, දුරකතන අංකය 076 8698334 ලංකා බැංකුවේ ගලේවෙල ශාඛාවේ ඇයගේ නමින් ඇති ගිණුම් අංකය 584 5600