GARI & MALDANBERA - ELURRETAN ETZAN (Isiltasun zuri bat)
------------------------------------
Elurretan etzan nahiko nuke,
Besoak zabalik etzan,
Utzitako siluetan
Nire mapa zein den
Ikusteko esperoan.
Elurretan etzan nahiko nuke,
Zerura begira etzan,
Zaurien koordenadak
Azalera daitezen
Izotzezko aztarnetan.
Isiltasun zuria
Hator belarri ertzera
Bihurtu ezazu kristalezko
Nire oroimena.
Elurretan etzan nahiko nuke,
Zerura begira etzan,
Esan ditudan hitzak
Izoztu daitezen
Malutak ezpainetan.
Elurretan etzan nahiko nuke,
Besoak zabalik etzan,
Inoiz izan nintzen
Gizaki arrotzari
Hasteko galdeketan.
(Karmele Jaio / Iñaki Garitaonaindia)
Alex Alonso: bateria eta programazioak
Oier Aldekoa: baxua
Miguel Moyano: gitarrak, teklatuak eta ahotsak
Iker Lauroba: teklatuak, gitar akustiskoa, ahotsak
Gari: ahotsa