#MICHEZO:Shabiki wa Simba Sc maarufu kwa jina la Gb 64 amezungumzia kuhusiana na sababu za mchezaji wao wa zamani Clatous Chama kutopewa mkono wa kwaheri "Thank you" ambapo amejinasibu kuwa tayari alikuwa ameagwa na kwamba mkataba wake ulikuwa umeisha wakati akisajiliwa kwenda kwa watani zao wa jadi Yanga Sc.
Shabiki huyo kindakindaki wa timu hiyo ameyasema hayo wakati akifanya mahojiano na Mainfm na Main Digital na kuongeza kuwa CEO wa timu hiyo alishaweka wazi kuwa Clatous Chama hatakuwa sehemu ya kikosi cha timu hiyo na kwamba hiyo ni "Thank you" tosha kwake ambapo amesema kuwa mchezaji huyo hawezi kuwa pengo kwa timu hiyo.
#MICHEZO:Shabiki wa Simba Sc Gb 64 amezungumzia kuhusu kile alichokisema kipindi cha nyumba kuwa endapo Chama atahamia kwa watani wao Yanga Sc shabiki huyo atahama Simba Sc.
Shabiki huyo amefichua kuwa alizungumza hayo ili kuwatuliza mashabiki kutokana na uliokuwa unaendelea ndani ya Simba Sc na kwamba alitumia akili kubwa sana katika sakata hilo.
Ikumbukwe kuwa Clatous Chama "Mwamba wa Lusaka" tayari alishatambulishwa kwa watani zao Yanga Sc kwa ajili ya kuwatumikia Wananchi.