Рет қаралды 6,206
Facebook: / uzm.dr.resadsultan
İnstaqram: Ginekoloq.uzman.dr.resadsultan
Tel: +994 51 717 55 15
Hamilə qalaraq dünyaya övlad gətirmək hər bir qadının arzusudur. Ancaq bu bəzilərində elə də asan həyata keçmir. Bəzi qadınlar uzunmüddət hamilə qala bilmir və ya düşüklə nəticələnir.Yaranan vəziyyətin səbəblərindən biri isə uşaqlıqda yaranan poliplər ola bilər.
Poliplər endometriumdan (uşaqlığın daxili səthi) inkişaf edib uşaqlıq boşluğuna doğru uzanan patoloji törəmədir. Onlar endometriumun hər hansı bir nahiyəsinin qalınlaşması və normadan artıq böyüməsi sayəsində meydana çıxırlar. Poliplər tək və ya çoxsaylı olmaqla uşaqlığın müxtəlif nahiyələrində yerləşə bilər. Ən çox uşaqlıq dibi və boru uclarında yerləşirlər. Ölçüsü bir neçə ml.-dən bir neçə sm.-ə qədər olur. Poliplər ya incə ayaqcıq, ya da qalın əsasla endometriuma bağlanırlar. Bəzən isə, ayaqcıq o qədər uzun olur ki, polip boşluqdan uşaqlıq yoluna sallanır. Hər yaşda qadında meydana çıxa bilər, ancaq ən çox 40-50 yaşlı qadınlar arasında müşahidə olunur.
Polip diaqnozunu qoymaq üçün bir sıra müayinə üsullarından istifadə olunur. Bunlardan ən sadəsi və ən çox istifadə olunanı transvaginal ultrasəs müayinəsidir. Ancaq bəzi hallarda USM yanıla bilər. Bu zaman diaqnozu dəqiqləşdirmək üçün sulu ulrasəs müayinəsi (histerosonoqrafiya) metodundan istifadə olunur. Polipin dəqiqləşdirilməsinin ən dəqiq müayinə üsulu isə, histeroskopiya üsuludur.Histeroskopiya həm diaqnostika, həm də cərrahiyyə məqsədilə istifadə olunur. Histeroskopiya vasitəsilə uşaqlıq boşluğunu ekranda görmək və eyni vaxtda histeroskop vasitəsilə aşkarlanan polipi xaric etmək mümkündür. Əvvəllər polipi xaric etmək üçün ən çox istifadə olunan cərrahi metod uşaqlıq boşluğunun küretajı idi. Bu metod hal-hazırda da istifadə olunur .Ancaq küretaj vasitəsilə polipi həmişə xaric etmək olmur. Histeroskop vasitəsilə isə, bilavasitə gözlə görmək mümkün olduğundan xaric edə bilməmək ehtimalı da yoxdur. Histeroskopiya çox yüngül cərrahiyyə əməliyyatı olub, adətən xəstə bu əməliyyatdan 2 saat sonra evə yazılır.