Ընկերներ,մի փոքրիկ «չարություն» եմ արել 🙃
Գուսան Շահենի այս անսահման գեղեցիկ երգը տարածելու ցանկությունը արդեն մեկ տարի է տանջում էր ինձ,այն էլ իր իսկ
կատարմամբ 🥹😍
Սակայն չգտնելով տեսանյութի ամբողջական տարբերակը,դրան կցեցի երգի մեկ այլ կատարում`Հասմիկ Եղիազարյանի կատարմամբ,ով հանդիսանում է Գուսան Շահենի աշակերտուհին և հենց իրենից է Հասմիկը սովորել այն ✨
«Մեծ կարոտով» երգը հեղինակի «Սառա» սիրավեպից է 💛
Գոնե այս եղանակով թող տարածվի այն,մինչև կգտնվի ամբողջականը 🌞🌾
Բարի վայելում սիրելիներս 🥰
հ.գ. հատուկ շնորհակալություն Գուսան Շահենի դստերը` Էլինար Շահենին,
տեղեկություններ տրամադրելու համար 🧡🌿
_______________
Մեծ կարոտով եկել եմ հյուր,
Սարի աղբյո՛ւր, համբույր տուր ինձ,
էդ քո զուլալ սրտից մաքուր,
Բինգյոլի աղբյուր, ջուր տուր ինձ:
Կրկ.`
Սարի աղբյուր, քարի աղբյուր,
Յարի աղբյուր, ջուր տուր ինձ,
Գուցե իմ յարին տեսե՞լ ես,
Լուր տուր ինձ:
Ջուր ես տվել ճամփորդներին,
Ծառ ու ծաղկին, ծով արտերին,
Բոլորդ շարած վարդերին,
Վարդերի աղբյուր, բույր տուր ինձ:
կրկ.` ...
Շահենը մատաղ լինի քեզ,
Սարի աղբյուր, ո՞ւր կվազես,
Գուցե իմ յարին տեսե՞լ ես,
Իմ յարից, աղբյո՛ւր, լուր տուր ինձ:
կրկ.` ...