Рет қаралды 18,533
Mərhum ictimai fəal Nərgiz Yaqublunun adına təsis edilən mükafatın 2023-cü il üçün təqdimetmə mərasimi keçirilib. Bu ilin qalibi Abzas Medianın həbsdə olan baş redaktoru Sevinc Vaqifqızı seçilib.
Mükafat dekabrın 23-də Müsavat Partiyasının qərargahında keçirilən mərasimdə jurnalistin anası Ofelya Məhərrəmovaya təqdim edilib.
Tədbirdə mərhum ictimai fəal Nərgiz Yaqublu sükutla yad edilib. Fəalın atası, növbəti dəfə həbs edilən siyasətçi Tofiq Yaqublu və jurnalistlərin həbsinə etiraz çıxışları edilib.
“Nərgiz” mükafatı 2015-ci ildə xəstəlikdən vəfat etmiş gənc ictimai fəal Nərgiz Yaqublunun xatirəsinə təsis edilib.
Mükafat 2016-cı ildən bəri Azərbaycanın demokratikləşməsi uğrunda aparılan mübarizəyə görə həbsdə olan bir sıra ictimai fəala verilib.