Рет қаралды 7,261
#BirBax #xalqtəbabəti #melisa
#bədrənc #nanə #bitkiler
Salam dəyərli izləyicilərim. Yuxu və həzm problemlərindən siz də əziyyət çəkirsiniz? Köp və sancılara görə dərman atmaq bezmisiniz? Bu gün sizə bu problemlərinizi həll edən bir bitkidən danışacam. Axşam çox yox, hr gecə yatmazdan əvvəl bir stəkan çayını dəmləyib içsəniz, bu problemlərinizlə birdəfəlik sağollaşa bilərsiniz. Sizcə bu hansı bitkidir? Ondan istifadə edib, faydasını görümüsüzmü? Zəhmət olmasa aşağıda yerləşən şərh bölümünə yazın.
Müasir şəhər həyatında sakit əsəblərə sahib olmaq olduqca cətindir. Çoxlarımız isə elə düşünürük ki, mümkünsüzdür. Tıxaclar, növbələr, gündəlik qayğılar, irili-xırdalı problemlər əsəblərimizə hakim kəsilərək gün ərzində bizi gərgin vəziyyətdə saxlayır və özümüzü çarəsiz sayırıq. Ancaq gəlin bu qədər də bədbinliyə qapılmayaq. Çünki əsəbləri sakitləşdirməyin xalq təbabətində çox sadə bir çarəsi var. Bir fincan melisa, digər adıyla desək ballınanə çayı əsəblərinizi tam sakitləşdirəcək.
Bitki çayı sevənlər melisa çayının ətrindən, dadından xəbərdardırlar. Bu çay möcüzəvi xüsusiyyətləri ilə də seçilir. Rahatladıcı olması və xoş aroması sayəsində melisa çayı insana bir çox sahədə kömək edir:
-stressin öhdəsindən gəlir;
-yuxu rejiminin normallaşdırır;
-həzm problemlərini, mədə və bağırsaqlarda spazm və ağrıları aradan qaldırır;
- stresdən yaranan sürətli ürək döyüntüsünü normaya salır,
- ürəkbulanma, qusma kimi şikayətləri olanlarda köməyə çatır.
Ballınanə bitkisinə həm də limonotu, bədrənc də deyilir. Apteklərdə satılan adı Bəndrəncdir. Bu bitkinin qurudulmuş yarpaqlarından dəmlənmiş çay kimlərə faydalıdır? Gəlin ona aydınlıq gətirim.
İlk olaraq stress və narahatlığı azaltmağa kömək edir, rahatlıq verir, depressiya əlamətlərini azaldır və ruh sağlamlığınızı qoruyur. Melisa çayını içən insanların sakitləşdiyi və yatmaq istəyinin artdığı müşahidə edilib. Melissa çayı həmçinin əsəbilik və həddindən artıq həyəcan kimi narahatlıq hisslərini də azaldır.
Melisa çayı konsentrasiyanı, yəni diqqəti artırdığı üçün dərs və ya kitab oxuyarkən yaddaşın yaxşılaşmasına təsir edir. Lakin nə qədər faydalı olsa da, melissa çayını gündə bir stəkandan artıq içməyin, yoxsa sizi yuxuya apararaq işinizə mənfi təsir göstərə bilər. Üstəlik, bu çayı səhər saatlarında, yaxud sükan arxasında da içmək tövsiyə edilmir. Dediyim kimi, yuxu gətirici özəlliyi var.
Melisa çayı baş ağrısını aradan qaldırır. Stressdən yaranan baş ağrıları zamanı melissa çobanyastığı çayı kimi rahatladırıcı təsir göstərə bilər.
Melissa çayı herpes xəstəliyinin - uçuqların müalicəsinə dəstəkdir. Antiseptik xüsusiyyətlərə malik olduğu üçün yara, uçuq, həşərat dişləmələri və qızartı kimi dəri problemlərini sağalmasına yardımcı olur.
Təbii ağrıkəsici xüsusiyyətlərə malik olduğuna görə bu bitki bədənin müxtəlif yerlərindəki ağrıları da aradan qaldırmağa kömək olur.
İmmuniteti gücləndirir. Antiviral və antimikrob təsiri sayəsində bakteriya, göbələk və viruslarla mübarizəyə kömək edir. Antioksidant melissa bitkisi tərləməni təşviq etdiyi üçün qrip və qızdırma xəstəliklərində istifadə edilə bilir.
Yuxu pozuntularını azaldır. Yuxusuzluqdan əziyyət çəkən adamlara kömək edən melisa çayını yatmazdan əvvəl içdikdə rahatlamanı təmin edir və yuxuya getməyi asanlaşdırır.
Dəri ləkələrinə, günəşin mənfi təsirlərinə və sızanaqlara qarşı melissa çayı bir maska kimi istifadə edildikdə faydalı olur.
Qan təzyiqi aşağı olanlara ballınanə çayından istifadə etmək məsləhət görülmür. Çünki o qan təzyiqini aşağı salır. Buna görə də, yüksək təzyiq xəstələrinə bu çaydan mütəmadi olaraq içmək tövsiyə edilir. Amma bir şərtlə. Ürək, damar problemləri ilə bağlı dərman müalicəsi alanlar, nəinki melisa, istənilən bitki tərkibli, təzyiq salan, yaxud qan durulaşdıran vasitələrdən istifadə etməzdən əvvəl mütləq həkimlə məsləhətləşsə, yaxşı olar. Yoxsa əks təsirlərini görə bilərlər.
Ballınanə çayının hazırlanması çox sadədir. 1 çay qaşığı qurudulmuş yarpağı 1 stəkan suda 10-15 dəqiqə dəmləmək lazımdır. Çaya yarım çay qaşığı bal əlavə etməklə onu daha da faydalı etmək olar. Lakin şəkər xəstəsi içəcəksə, bal qatmaq tövsiyə olunmur.
Həzmi asanlaşdıran melisa çayı təbii antioksidant deposudur. Bu hünəri ilə o, ödəmlərin yoxa çıxmasında da mahirdir. Əgər pəhriz saxlayırsınızsa, melisa çayı orqanizmin toksinlərdən sürətlə təmizlənməsinə kömək edəcək, nəticədə, sağlam şəkildə arıqlayacaqsınız.
Apteklərdə satılan Melisa yağı bitkinin yarpaqlarından əldə edilir. Aromaterapiyada, masajda və dəriyə qulluq prosedurlarında istifadə edilən melisa yağının bütün özəllikləri melisa çayında mövcuddur.
Melissa çayını nə vaxt içmək lazımdır? Rahatlıqverici olduğundan daha şox stresli anlarda içilməsi məsləhətdir. Axşam yatmazdan bir neçə saat əvvəl içilən melissa çayı həm gün boyu təsirləndiyiniz radiasiyanın təsirini azaldır, həm də stressinizi ataraq rahat yatmağınıza yardım edir. Gündə maksimum 2 stəkandan artıq içilməməlidir.