Рет қаралды 9,719
#BirBax #xalqtəbabəti #cökə
Bu sarı rəngli bitkinin çayı nə qədər xəstəliyi sağalda bilər? Baş ağrıları, soyuqdəymə, mədə-bağırsaq xəstəlikləri, hətta qaraciyər problemlərində köməyinizə çatacaq bir bitkidən danışacam bu gün sizə. Bu sizcə hansı bitkidir? Ondan heç istifadə etmisizmi? Zəhmət olmasa aşağıda yerləşən şərh bölümünə yazın. Mən də onun istifadə qaydası və faydasından danışım.
Bu gün sizə haqqında danışacağım bitki cökə ağacının çiçəyidir. Cökə ağacı Azərbaycanda geniş yayılmış bir ağacdır, Balakən, Zaqatala, Astara, Daşkəsən kimi rayonlarımızda bu bitkiyə daha çox rast gəlinir. Hansı rayonda bu ağac bitirsə, o rayonun insanları daha sağlam olur. Bu söz əbəs yerə deyilməyib.
Cökə çiçəyi çayı dünyada ən çox içilən dərman bitkilərindən biridir. Çox ləzzətli bir dadı var, bal ətri verir. Keçmişdə cökədən nehrə hazırlayardılar, bu nehrənin yağından azacıq cökə ətri gələrdi. Bitkinin çayı dünyada daha çox əsəb sakitləşdirici kimi tanınır. Amma xalq təbabətində saylmaqla bitməyən faydaları da var. Gəlin onlara nəzər salaq.
Tərlədici və bədəni yumşaltmaq xüsusiyyətləri olduğundan soyuqdəymə zamanı geniş istifadə edilir. Axşam yatmazdan əvvəl 1 stəkan içilib yatanda yuxunu dərinləşdirir, həmçinin bədən, əl, ayaq soyuqluğundan əziyyət çəkənlər üçün əvəzolunmaz bir vasitədir.
Amerikada Çikaqo Universitetində cökə ağacının çiçəkləri ilə bağlı çox maraqlı bir eksperiment həyata keçirilib. Həkimlər soyuqdəsi olan xəstələri 3 qrupa bölüblər. birinci qrupa antibiotik, ikinci qrupa həm antibiotik, həm cökə çiçəyi çayı, üçüncü qrupa isə təkcə cökə çayı verərək müalicə ediblər. Nəticədə təkcə cökə çayı verilmiş üçüncü qrup xəstələr tez sağalmış, həm də xəstəliyin fəsadı qalmamışdır.Bu da bir fakt
Cökə çiçəyinin heç bir zərərli təsiri olmadığından soyuqdəymə zamanı ondan tərləyənə qədər bol-bol içmək olar. Zoğal və ya moruq mürəbbəsi ilə içdikdə daha tez tərlədir. Cökə, eyni zamanda qan təzyiqini aşağı salır, çox istifadə edənlər bunu nəzərə alaraq dəmləməyə bal əlavə etməlidirlər. Yüksəlmiş temperaturu aşağı salır, öskürək və ürək döyüntülərinin artması zaman çayın içilməsi faydalıdır.
Cökə yüksək antioksidan xüsusiyyətləri olan bir bitkidir. Bu antioksidanlar sayəsində cökə çayı iltihab nəticəsində yaranan xroniki xəstəliklərin qarşısını alır. Cökə çayının tərkibində ağrı və tutulmaları aradan qaldırmağa kömək edən maddələr var. Bu maddələr;
•Baş ağrısı
• Əzələ spazmları,
• Oynaq ağrıları,
• Aybaşı ağrılarının aradan qaldırılmasına dəstək ola bilər.
Cökə çiçəyi çayı Yüksək qan təzyiqini azaltmağa kömək edir. Cökə çayının tərkibində qan damarlarını genişləndirməyə və təzyiqi aşağı salmağa kömək edən maddələr var. Bu maddələr ürək sağlamlığını dəstəkləyə bilir. Tərkibindəki aktiv maddələr ürək-damar sistemini yaxşılaşdırmağa kömək edir.
Qədim dövrlərdən bəri cökə çayı həzm pozğunluğuna qarşı istifadə edilən bitki çayları arasındadır. Bəs onun həzm sisteminə faydaları nələrdir? Gəlin nəzər salaq.
• Mədə narahatlığını aradan qaldırmağa kömək edir
• Bağırsaqda spazmları aradan qaldırır, artıq qazın səbəb olduğu problemləri yox dur. Üstəlik, həzm sistemində soyuqdəymə halı varsa, bu əlamətləri də aradan qaldırır. Cökə çiçəyi çayı sidik ifrazını dəstəkləyir. Qaraciyər və öd kisəsi pozğunluqlarında və selülitdə istifadə olunur.
Bir araşdırmaya görə, cökə çayı soyuqdəyməsi olan uşaqlarda qulaq infeksiyalarından yaranan ağırlaşma riskini də azalda bilir. Cökə çayının tərkibindəki birləşmələr əzələlərdə gərginliyi aradan qaldırır, qan dövranını artırır, həmçinin boğaz ağrısını sakitləşdirir.
Gələk bu çayın hazırlanmasına. Yaşadığınız ərazidə cökə ağacı yoxdursa, bu bitkini apteklərdə hazır bağlama şəklində əldə edə bilərsini. İki filtr-bağlamanın üzərinə 200 ml, yəni 1 stəkan qaynar su töküb, 15 dəqiqə dəmləyib, için. Gündə 1-2 stəkan bu çaydan içə bilərsiniz. Amma bir şeyi burada vurğulamaq istəyirəm. Cökə çayının dəmləmə vaxtı çox önəmlidir. Uzun müddət çay dəmdə qalarsa, yaxud qaynadılarsa, tərkibindəki faydalı maddələr azalır. 15 dəqiqə dəmləndikdən sonra süzüb, içsəniz, daha yaxşı olar.
Bəs bu çayı kimlər içə biməz?
Hamiləlik və laktasiya dövründə olan qadınlar, ürək xəstəliyi ilə bağlı dərman qəbul edən şəxslər mütləq içməzdən qabaq həkimlə məsləhətləşməlidir. Çünki cökə bəzi dərmanlarla qarşılıqlı təsir göstərə bilər. Bu da səhhətiniz üçün müsbət nəticələr doğurmaz.
#bitkiseltedavi #bitkiçayı #sağlık #sağlamlıq