阿詩,十幾年前,睇住你喺Sammi演唱會做嘉賓,唔知點解你好特別嘅氣質好吸引我。一路睇住你,直到有一日你行上街頭。以前你係一個好愛笑好甜好嗨嘅人,內心毫無顧忌、負擔同恐懼。包括呢條片一睇就知係以前。而家,你笑容少咗,玩起嚟好癲嘅阿詩亦唔見咗。你變得嚴肅、認真,亦唔再好易對其他人打開個心。我知你本性未變,但感情同局勢嘅傷害,長年累月,係真會將一個人變得沉重。我諗你而家再唱返呢首歌,成個感覺都會唔同,會少咗激情同希冀,多咗堅韌、滄桑、深刻同不認輸。唱「年月把擁有變作失去」唔會再笑得出嚟,因為你實在失去咗太多喇。 歲月改變了你,你也改變了歲月。加油啊阿詩,We stand as one. ❤