Рет қаралды 97,579
ಕನ್ನಡ ಭಾವಗೀತೆ:
ಹಾಡಬಲ್ಲೆ ನಾನು ಯಾವ ಗೊಡವೆ ಇಲ್ಲದೆ..
ಸಂಗೀತ & ಗಾಯನ - ರಾಘವೇಂದ್ರ ಬೀಜಾಡಿ
ಸಾಹಿತ್ಯ - ವಿನಾಯಕ ಅರಳಸುರಳಿ
ವಾದ್ಯ ಸಂಯೋಜನೆ - ಸಮೀರ್ ರಾವ್
ರಿದಂ ಪ್ಯಾಡ್ - ವಿನಯ್ ರಂಗಧೋಳ್
ಕೀ ಬೋರ್ಡ್ - ಸಂಗೀತ್ ಥಾಮಸ್
ತಬಲ - ಕಾರ್ತೀಕ್ ಭಟ್
Kannada Bhaavageethe Kannada Folk Song:
Haadaballe Nanu Yaava Gidave illade
Composed & Sung by -Raghavendra beejadi
Lyrics - Vinayaka Aralasurali
Orchestration - Sameer Rao
Rythm Pad - Vinay Rangadhol
Key board - Sangeeth Thomus
Tabala - Karthik Bhat
ಕವಿತೆ - ಹಾಡಬಲ್ಲೆ ನಾನು..
ಹಾಡಬಲ್ಲೆ ನಾನು ಯಾವ
ಗೊಡವೆ ಇಲ್ಲದೆ
ಹಾಡ ಹೊನ್ನಿಗಿಂತ ಚಂದ-
-ದೊಡವೆ ಎಲ್ಲಿದೆ?
ಯಾರೂ ಕೇಳದಿರುವ ನೋವ
ಹಾಡಿಕೊಂಡೆನು
ಯಾರೋ ಮಾಡಿಹೋದ ಗಾಯ
ನೀವಿಕೊಂಡೆನು.
ತೊರೆದು ಹೋದ ಎಲ್ಲರನ್ನು
ಕರೆವ ಸಾಲಿದೆ
ಆಡಿ ಮುಗಿದ ಪ್ರೀತಿ ಮಾತು
ಮತ್ತೆ ಕೇಳಿದೆ.
ಅಂದು ಅಮ್ಮ ತೂಗಿ ನುಡಿದ
ಲಾಲಿ ಹಾಡದು
ಇಂದು ನನ್ನ ಕೊರಳಿನಲ್ಲಿ
ಮುಂದುವರೆದಿದೆ.
ಹಾಡುವಾಗ ಏಕೋ ಕಣ್ಣು
ತುಂಬಿ ಬಂದಿದೆ
ಹಾಡೆ ನಲ್ಲೆಯಾಗಿ ಬಂದು
ನನ್ನ ರಮಿಸಿದೆ.
ಯಾರ ಹಾಡಿನಾಳದಲ್ಲಿ
ಯಾರ ಸ್ಮರಣೆಯೋ?
ದೊರೆತ ಸಾಲು, ಬೆರೆತ ಕೊರಳು
ಯಾರ ಕರುಣೆಯೋ?
ಹರಿದವೆನಿತೋ ಮಧುರ ಭಾವ
ಬಾಳ ನದಿಯಲಿ.
ಉಳಿದುದೊಂದೆ ನೆನಪ ರಾಗ
ಇಂದು ಎದೆಯಲಿ.
-ವಿನಾಯಕ ಅರಳಸುರಳಿ.