Рет қаралды 236,562
Бәріңізге ассалаумағаликум. Алдаған кім, алданған кім? Алматыдағы ұлттық банктің алдына халық неге қаптап кетті? “Несие кешіріледі” деген хабарламаға жұрт неге сонша имандай сенген? Шынымен несиесі кешірілгендер бар ма? Бланкті 50 теңгеге сатып алып толтырғандар қандай уәж айтты? Банктерді қарақшы деп атап халықтың кредитінің күн санап көбейіп жатқанына алаңдаған депутаттар кімдер? Олар үкіметке қандай талап қойды? Саясаттанушы Санжар Боқаев мұнай өндіруге қатысты қандай шындықты жайып салды? Мұны сізге білген дұрыс.
Қайырымдылық
Алматыдағы банк алдына халық аяқасты құмырысқадай қаптады. Оған себеп бірнеше күннен бері ватсап, тағы басқа желілерде тараған мынадай аудиохабарлама.
Ватсаптағы видео
"Егер несиеңіз болса, тез арада банкке өтініш беріп, арыз жазу керек. 15-ші желтоқсанға дейін құжат өткізгендердің несиесі кешіріледі", - деген осындай жазба, хабарламалар жұртқа майдай жақты. Иә, бір басында бірнеше кредиті бар, олай тартса олай жетпеген, бұлай тартса бұлай жетпеген азаматтар үшін бұл күтпеген қуанышты жаңалық болды. Содан несиеміз кешіреле ме деп үміттенген. Көбісі несиесіне тиісті ақпаратты жазып, банк өкілдеріне өткізген. Біразы бланк іздеп сабылған. Оны ғимарат маңындағы дәріханадан сатып алып, толтырған.
Ең өкініштісі бұл ақпарат жалған болып шықты. Қаржы нарығын реттейтін агент ешқандай несие кешірілмейді деп кесіп айтты. Иә үкімет әзірге мұндай батыл қадамға бара қоймайтыны анық. Бірақ сол үкіметті оятып, Тәуелсіздігінің 30 жылдығына байланысты қаржылық қиындыққа тап болған қазақстандықтарға рақымшылық жасау туралы ұсыныс айтқан депуттар да бар. Мәселен «Ақ жолдық» Азамат Әбілдаев банктерді қарақшылар деді. Халыққа несие беріп, көмек қолын созады да, ал ақшаны қайтару кезінде түсіністікпен қарамай қан қақсатады деді.
Сонымен «Ақ жол » партиясы Тәуелсіздіктің 30 жылдығына байланысты кредиттік рақымшылық жасауды ұсынды. Бұл ұсынысты үкімет елеп-ескере ме оны бір құдай білсін.
Бірақ бір қызығы халыққа қимаған ақшаны яғни қазына қаржысын иегере алмай жатқан министрліктер мен әкімдіктердің қылығын көргенде ішің удай ашитыны рас. Биыл қаржыны ең көп игермеген әкімдіктер - Нұр-Сұлтан, Алматы қалалары, Алматы, Батыс Қазақстан, Түркістан облыстары екен. Олар сонда мемлекеттен бөлінген бәленбай милярдттарды бір жыл бойы істететін жер таппай, бастары қатқан ғой. Немесе әне-міне деп ауыздарын ашып отырған. Осыны тыңдап, көріп отырған құрметті көрмермен сіздерге сабыр берсін. Қаныңыз басыңызға шауып отырғанын жақсы білеміз. Сіздерден тағы да сабырлық сұраймыз, өтйкені сол қазынаға қыруар қаржы әкеліп тұрған біздің мұнайға қатысты сұмдық жайттарды естіп тіптен есеңгіреп қалуыңыз мүмкін. Әлгі сұмдық ақпараттарды саясаттанушы Санжар Боқаевтың аузынан тыңдап шығыңыз. Сонда бәрін түсінесіз!
Саясаттанушы Санжар Боқаев
Міне мұнайдың әңгімесі осындай. Шіркін сол қара алтыннан түскен қаржының бір бөлігі қара халықтың несиесін жабуға жұмсалса ғой. Несиені айтпағанда халық қымбатшылықтан қажып кетті. 50 келі ұн 10 мың теңгеден асып кеткеннен кейін басқа не сұрайсыз. Азық-түлік бағасы арзандамайды. Керісінше, қымбаттауы әбден мүмкін. Мұны өткенде ауыл шаруашылығы министрінің өзі айтты. Қазақ қашан қарқ-қарқ күліп, жегендері алдында, жемегендері артында қарқ болып өмір кешеді екен?! Шіркін ай...
Сіз үшін білген дұрыс!