"රෑ ඉරපාන " මා ප්‍රාණ සමව ඉදිරිපත් කළ , නිර්මාණය කළ ගුවන් විදුලි වැඩසටහනක් ! 2011 සැප්තැම්බරයෙන් ඇරඹුණේ
එය රාජ්‍ය සංගීත උළෙලේ රන් සම්මානයෙන් පුද ලද විට , ප්‍රවීණ සිනමා අධ්‍යක්ෂ මෙන්ම දෘශ්‍ය කලා විශ්ව විද්‍යාලයීය ආචාර්යවරයෙකු වන සෙනේෂ් බණ්ඩාර දිසානායක එය හැඳින්වූයේ "අපේ කාලයේ විශිෂ්ටතම ඉලෙක්ට්‍රොනික කොලම " ලෙස ! මේ හැම අසිරියක්ම කැඳවූ රෑ ඉරපානේ පැය 2 ක් පුරා වැඩසටහන් 159 ක් අරා මා අවලෝකනය කළේ මා නොලියූ අන්‍යයන් ලියූ ගී .. කවදාවත් මගේ ගීයක් මා එහි බහාලුයේ නෑ ! එනමුදු නෙලුම් පොකුණේ 2017 මාර්තු 10 වැනිදා මගේ උපන් දිනේ විසල් රසික සහෘද කැළතක් හමුවේ පැවැත්වුණු රෑ ඉරපානේ ගැයුනේ එදා මෙදාතුර මා ලියූ ගී රැසෙන් තෝරාගත් ගී 32 ක් , ප්‍රකට ප්‍රවීණ ගායක ගායිකාවන් 33 කගේ හඬින් ..! ආචාර්ය රෝහණ වීරසිංහයන්ගේ සංගීතයට !
මගේ you tube ඕඝයෙන් එම ප්‍රසංගයේ ගැයුණු ගී 32න් එක ගීයක් ඔබට පිරිනමන්නට මට හිතුනා !
" හඳපානක් සේ ඇවිදින් " අතුල - සමිතා ගැයූ , රෝහණ වීරසිංහයන් සංගීතවත් කෙරූ යුග ගීතය අතිශයින්ම ජනප්‍රිය වුනා
මෙරට පැවැත්වූ ප්‍රථම සංගීත සම්මාන උළෙලේ "ජනප්‍රියම ගීතය " හඳපානක් " වීම මා දිවයිනේ ජනප්‍රියම ගීත රචකයා බවටත් ආචාර්ය රෝහණ වීරසිංහ ජනප්‍රියම සංගීතඥයා බවටත් , අතුල සමිතා ජනප්‍රියම ගායකයා සහ ගායිකාව බවටත් පත් කළා !
දශක තුනක් වෙන්න ආ මේ ගීතය අද තවත් මට ඇහෙන්නෙ සුහුඹුල් , නෑඹුල් ගීයක් ලෙස ,
ඒ මගේ ඒ යුගයේ ලියවුනු හින්දද මන්දා ...!