Рет қаралды 1,124
#Hüquq, #Vəkil, #Hüquqməsləhəti,
Hərgün bir hüquququmuzu öyrənək. Mövzu 1.
Bu video paylaşımda əmək müqaviləsinin ləğv olunması qadağan edilən işçilər və hallar bardə məlumat verilir.
Əmək Məcəlləsinin 79-cu maddəsinə görə aşağıdakı şəxslərlə əmək müqaviləsinin ləğv edilməsi qadağandır:
1) hamilə, habelə üç yaşınadək uşağı olan qadınların, üç yaşınadək uşağını təkbaşına böyüdən kişilərin;
2) yeganə qazanc yeri işlədiyi müəssisə olub məktəb yaşınadək uşağını təkbaşına böyüdən işçilərin;
3) əmək qabiliyyətini müvəqqəti itirən işçilərin;
4) işçinin şəkərli diabetlə və ya dağınıq sklerozla xəstə olması səbəbinə görə;
5) həmkarlar ittifaqları təşkilatının və ya hər hansı siyasi partiyanın üzvü olması motivinə görə;
6) öhdəsində sağlamlıq imkanları məhdud 18 yaşınadək və ya I qrup əlil ailə üzvü olan işçilərin.
Həmçinin məzuniyyətdə, ezamiyyətdə olduğu vaxtda, o cümlədən kollektiv danışıqlarda iştirak etdiyi müddət ərzində işçilərin Məcəllənin 70-ci maddəsi ilə müəyyən edilmiş əsaslarla əmək müqaviləsinin ləğv edilməsi qadağandır.
Lakin yuxarıda nəzərdə tutulmuş müddəalar Məcəllənin 70-ci maddəsinin “a” bəndi (yəni müəssisə ləğv edilməsi) və həmçinin müddətli əmək müqaviləsinə xitam verilməsi qaydasını nəzərdə tutan 73-cü maddədə əks olunan hallara şamil edilmir.