Camping Haritha Kanda
හරිත කන්ද හෙවත් පුංචි නවසීලන්තයට ❤
මාස ගානක ඉඳන් හරිත කන්දෙ කෑම්ප් කරන්න යන්න ආසාවෙන් හිටියත් එක එක වැඩ නිසා යන්න වෙලාවක් හම්බුනේ නෑ .. කොහොම හරි අන්තිමේදි කට්ටිය සෙට් කරගෙන ගමන පටන් ගන්න පුළුවන් උනා..
අපි මේ ගමන පටන් ගත්තෙ නුවරඑළියෙන්..
නුවරඑළිය පැත්තෙන් හරිත කන්ද යනවනම් ,
නුවරඑළිය - හැටන් පාරෙ ගිහින් ලිඳුල ටවුන් එකෙන් වමට තියන ආගරපතන පාරෙ යන්න ඕන.. ලිඳුල ටවුන් එකට යන අතරමග නානුඔය ටවුන් එක අහුවෙනව.. කැමතිනම් මේ නානුඔය තියන නානුඔය ඇල්ල , අයිස් ඇල්ල එහෙමත් බලල එන්න පුළුවන් .. ඒත් එක්කම රදැල්ල ක්‍රීඩාංගණය සහ අනතුරු බහුල රදැල්ල බෑවුම් මාර්ගයත් මේ අතරමග තමයි තියන්නෙ . ලඟදිත් බස් එකක් සහ වෑන් එකක් accident එකක් වෑන් එකේ ගිය මිනිස්සු ඔක්කොටම ජීවිතෙන් වන්දි ගෙවන්නෙ උනේ මේ රදැල්ල පාරෙ.. ඒ නිසා පරිස්සමින් යන්න ඕන පාරක්..
හැටන් පාරෙ ගිහින් ලිඳුල ටවුන් එකෙන් වමට දාල අපි යන්න ඕන ආගරපතන පාරෙ.. ලිඳුල ඉඳන් හරිත කන්දට කිලෝමීටර් 28ක් තියනව කියල තමා බෝඩ්වල ගහල තිබුනෙ..ආගරපතන පාරනම් එක දිගටම කැඩිල තියන්නෙ . හැබැයි වටපිටාව ගොඩක් ලස්සනයි තේ වතු මැදින් වැටුන ලස්සන පාරක්..
ආගරපතන ටවුන් එකට ගිහින් එතනින් බෝපත්තලාව පාරෙ යන්න ඕන.. බෝපත්තලාවට යන පාර හරි මැණික් පාලම ෆාම් එකට යන පාර හරි මොකක්ද කියල කාගෙන් හරි ඇහුවොත් මේ පාර පෙන්නයි.. මෙතනින් එහාට තමා මේ පාර ගොඩක්ම ලස්සන..මැණික්පාලම ෆාම් එක කිට්ටු උනාම තියන්නෙ අඹේවෙල වගේ ලස්සන පරිසරයක්.වැස්සකින් පස්සෙ වගේ යනවනම් කොළ පාට පිරිල ගොඩක් ලස්සනට බලාගන්න පුළුවන් ..
මේ හරිත කන්දට යන්න තියන්නෙ මැණික් පාලම ෆාම් එකේ ඉඩමක් මැදින්.. එතනින් ටිකට් එකක් ගන්න ඕන ඉඩම මැදින් යන්න.. බයික් එක්කට 150ක් සහ එක්කෙනෙක්ට රුපියල් සීයක් විදියට තමා ටිකට් මිල වෙන්නෙ.. හැබැයි එවෙලෙම ටිකට් දෙන් නෑ . . රෑට කෑම්පින් සයිට් එකට ට්‍රැක්ටර් එක්කින් ඇවිත් තමා මෙයාල ටිකට් නිකුත් කරන්නෙ..හැබැයි කිසිම පහසුකමක්නම් නෑ ටිකට් නිකුත් කලාට..අඩුම ගානෙ වතුරවත් නෑ කෑම්ප් සයිට් එකේ..
කොහොම හරි අපි හවස හතර වගේ වෙද්දි හරිත කන්දෙ කෑම්ප් සයිට් එකට ගියා..ඇත්තටම ගොඩක් ලස්සන තැනක්..අපි ගිය දවසෙ කවුරුත් කෑම්ප් කරන්න ඇවිත් තිබුනෙ නැති නිසා අපිට උපරිම නිදහසකුත් තිබුන..මේ හරිත කන්ද සහ අවට තියන්නෙ හෝටන් තැන්න වගේ පරිසර පද්ධතියක් .. හරිම ලස්සනයි ..
අපිට හරිත කන්ද මුදුනෙ හෝ හරිත කන්ද පාමුල කෑම්ප් කරන්න පුළුවන් . කන්ද මුදුනෙ කෑම්ප් කරනවනම් බයික් පහල දාල තමා කන්ද මුදුනට යන්න වෙන්නෙ.. ඒ නිසා අපි තෝරගත්තෙ කන්ද පාමුල කෑම්පින් සයිට් එකක කෑම්ප් කරන්න . හැබැයි ලස්සනෙන් අඩුවක් නෑ තණබිමක පිහිටල තියන ගස් යායක් මැද තමා මේ කෑම්ප් සයිට් පිහිටල තියන්නෙ .. මෙතන තියන ලස්සන නිසාම photoshoot වලටත් ගොඩක් අය එන තැනක්.. උදේට මීදුම මැදින් ගස් අතරින් ඉර පායද්දි පුදුම ලස්සනක් තියන තැනක්..
අපේ ප්ලෑන් එක උනේ පලවෙනි දවසෙම හරිත කන්ද නැගල ආපහු බැහැල , හරිත කන්ද පාමුල කෑම්ප් කරල ඊළඟ දවසෙ උදේම ගාට්මෝර් ඇල්ල බලන්න ගිහින් එහෙන් නාල හැටන් වලින් බලංගොඩ පාරෙ ගිහින් හපුතලේ හරහා වැලිමඩ යන්න.. ඒත් අපි හරිත කන්දට යද්දි හිතුවට වඩා හවස් උන නිසාත් , කන්ද පාමුල අපේ බයික් ඇතුලු බඩුබාහිරාදිය අනාරක්ෂිතව දාල යන්න තිබ්බ අකමැත්තත් නිසා අපි කන්ද නගින වැඩේ ඊළඟ දවසෙ උදේට කල් දාල කෑම්ප් කරන්න ඕන වැඩ ටික , ඒ කිව්වෙ ටෙන්ට් ටික මවුන්ට් කරන එක , දර හොයන එක , වතුර හොයන එක.... ඒ වැඩ ටික පටන් ගත්ත..
ඊළඟ එපිසෝඩ් එකෙන් බලමු හරිත කන්දෙ camping night එකේ වීඩියෝ එක.. එහෙනම් subscribe කරල සෙට් වෙලා ඉන්න ❤
#Harithakanda #Bopaththalawa #Hatton
Please Keep the environment clean
❤️🍃
About me - :
Hi friends I am Gaya Walker from Welimada - Sri Lanka.Mainly I bring travel vlogs of non popular beautiful places Sri Lanka.. subscribe my channel if you like my vlogs..
If you would like to support my adventures, buy me a coffee, feel free to use the link below.
www.buymeacoffee.com/gayanwalker
Find me on
Facebook -: / gayawalkersl
Instagm-:
/ gaya_walker
If you enjoy this video
subscribe 🙌 Like ❤️ comment 🔥 share 🙏
Euipments used in this vlog
- Gopro Hero 07 black
- Dji mavic mini
- Edited with adobe premiere pro