Рет қаралды 23,965
Tanınmamış Dağlıq Qarabağ Respublikasının Prezidenti Arayik Harutyunyan Qarabağı "fəlakət zonası" adlandırıb.
Mətbuat konfransında çıxış edən Harutyunyan Qarabağdakı ermənilərin fiziki mövcudluğuna təhlükə yarandığını deyib və beynəlxalq ictimaiyyətdən kömək istəyib, yerli media yazır.
Xankəndidən yayımlanan yerli tv kanalı və yerli bloqerlərlər boş dükanlar və ərzaq növbəsinə dayanan sakinlərin videolarını paylaşırlar.
Beynəlxalq Qızıl Xaç Komitəsi hazırda Laçın dəhlizi ilə humanitar yardım daşıya bilmədiyini bildirib və humanitar əməliyyatın bərpası üçün çağırış edib.
Azərbaycan Xarici İşlər Nazirliyi iyulun 25-də yaydığı bəyanatda Ağdam-Xankəndi yolundan istifadə etməklə yardım təklif edildiyini açıqlayıb.
Bundan əvvəl, rəsmi Bakı tibbi məqsədlər üçün Laçın sərhəd məntəqəsindən keçidin davam etməsinə şərait yaradıldığını bildirmişdi.