Рет қаралды 30,231
Անգլերենի ուսուցչուհի Վարդուհի Աբրահամյանը Չինաստանի ամանորյա արձակուրդներին Երևանում է, բայց այստեղ էլ պատառաքաղի փոխարեն չինական փայտիկներ է օգտագործում: Այս ու նաև օրվա ընթացքում տաք ջուր խմելն այն սովորույթներն են, որ նրա կենսակերպի մասն են դարձել վերջին 3 տարիների ընթացքում:
Վարդուհին մեկն է այն տասնյակ հայերից, որ մեկնել են Չինաստան, աշխատում են տեղի դպրոցներում ու մանկապարտեզներում. - «Շատ ծիծաղելի է, բայց Google-ով եմ գտել աշխատանքն իմ առաջին: Կապնվել եմ, էլի մանկապարտեզ էր: Գնացինք, մի շատ փոքր գյուղատիպ քաղաք էր, Չինաստանի մասշտաբներով ինքը գյուղ էր, դե Երևանի չափ կարող է լիներ, բայց իսկապես շատ գյուղ էր: Ծիծաղելի է, բայց նույնիսկ ավտոբուսի վարորդները մեզ ճանաչում էին, որովհետև միակ օտարերկրացին էինք քաղաքում, ու կարող էին անցնելուց ձեռքով բարևել»:
Մասնագետների պահանջարկը Չինաստանում մեծ է, իսկ Հայաստանի համեմատությամբ Չինաստանում ուսուցիչները վաստակում են 5-7 անգամ ավելի շատ. - «Աշխատավարձը բարձր է, մինիմալ աշխատավարձը երևի 1500 դոլարից է սկսվում», - ասում է Վարդուհին:
Տարիներ շարունակ Հայաստանից արտագնա աշխատանքի հիմնական երկիրը Ռուսաստանն էր, այսպես կոչված՝ «խոպան» գնում էին հիմնականում տղամարդիկ՝ շինարարությունում աշխատելու: Սակայն վերջին տարիներին բարձր վարձատրվող աշխատատեղերի խնդիր ունեցող Հայաստանի համար նոր ու ցանկալի ուղղություն է դարձել նաև Չինաստանը: Այնտեղ մեկնում են հիմնականում անգլերենին լավ տիրապետողները՝ չինացի երեխաներին այդ լեզուն սովորեցնելու:
Մեր ուղիղ հեռարձակումները դիտեք այստեղ՝ tv.azatutyun.am
«Ազատությունը» սոցիալական մեդիայում
Facebook - / azatutyun
Twitter - / azatutyunradio
Instagram - / azatutyuntv
VKontakte - azatuty...
Odnoklassniki - ok.ru/azat...