Рет қаралды 127
စစ်ရှောင်များသို့
ရောင်နီလင်းလုလု
တေးဆိုငှက်ကျေးများအခု
တွန်သံမချိုဘူး
ကျောတခင်းစာခြားနေ
အမေအိုရဲ့လူးလိမ့်သံ
ဆာလောင်နေပြီမှန်းသိတယ်
မီးဖိုထက် ဆန်ပြုတ်အိုးလေး
ပြန်နွှေးလိုက်ပါဦးမယ်
လူခြေတိတ်ဆိတ်တဲ့
မြို့ရွာတွေ တဖြည်းဖြည်းနဲ့
များလာသလိုပဲ
ငြိမ်သက်လို့နေတဲ့
မုန်တိုင်းများ မတိုက်ခင်
အချိန်ဟာရှည်ကြာ
ခြောက်ချားလွန်းတယ်
ယာခင်းငယ်ထဲက
မကွဲသေးတဲ့ ၁လုံးအတိုင်းပါပဲ
ပြာပုံတွေ ရွှေဖြစ်မယ့်နေ့ကို
စောင့်နေသူများ...
စာသင်ကျောင်းခန်းပေါ်က
ငှက်ဆိုးထိုးသံ တိတ်မယ့်အချိန်ကို
တိမ်ညိုတွေဖြိုချလို့ပြီးရင်
ကြည်လင်မယ့် ကောင်းကင်
အိမ်အပြန်ထမင်းဝိုင်းထက်မှာ
စာနာခြင်း ဟင်းတခွက်
အသင့်ရှိစေ့ခြင်
မှောင်ရီပျိုးပျိုးပြ
တံပိုးသံ တိုးတိုးလျ
ညစဥ်ညတိုင်းကြား
တချက်တချက်မြည်တဲ့
နာရီလေး မေ့လို့ကျန်
ပိုင်ရှင်မှန်ဆီ ပြန်ရောက်ရမယ်
စာရိတ္ထ တရား
ငွေပေးပြီး ဝယ်လို့ရရိုးလား
တောင်ယာမြေ စိုက်ခင်း
အခုတော့ စစ်တလင်း
မြူနှင်းတွေ ဆိုင်းလို့လာစဥ်
လူသားက "ဒိုင်း" ဖြစ်တာ
ပုံပြင်တွေ မဟုတ်မှန်းသိလာ
စစ်ကိုမုန်းသော်လည်း
ခေတ်ကတောင်းဆိုပြီးခဲ့ပေါ့ကွယ်