Рет қаралды 36,143
စစ်မြေပြင်ရောက် သတင်းထောက် (ရုပ်/သံ)
ဧရာ၀တီ၊ ဒီဇင်ဘာ ၁၅၊ ၂၀၂၃
စစ်အာဏာရှင်စနစ်ကြောင့် ပေါ်ပေါက်လာတဲ့ လူထုတော်လှန်ရေး တိုက်ပွဲတွေနဲ့ အရပ်သား ပြည်သူတွေ လူ့အခွင့်အရေး ချိုးဖောက်မှုတွေ မြန်မာနိုင်ငံ အနှံ့မှာ ပေါ်ပေါက်နေပါတယ်။
ဒီလိုအခြေအနေတွေကို မြန်မာပြည်သူတွေနဲ့ ကမ္ဘာကသိအောင် ဖော်ထုတ်ပေးနေကြသူတွေထဲမှာ သတင်းမီဒီယာတွေက ရှေ့ဆုံးက ပါဝင်ပါတယ်။
တချို့သတင်းထောက်တွေဟာ ဒီလိုသတင်းတွေ ဖော်ပြနိုင်ဖို့အတွက် စစ်ပဋိပက္ခဒေသတွေအတွင်း ဗုံးခိုကျင်းထဲအိပ် ကျည်ဆံ၊ဗုံးဆံတွေအကြား သတင်းယူနေကြရတာပါ။
စစ်တပ်က အာဏာသိမ်းချိန်ကတည်းက လွတ်လပ်တဲ့ သတင်းမီဒီယာတိုက်တွေကို စီးနင်း ဖျက်ဆီးတာ၊ သတင်းထောက်တွေကို ဖမ်းဆီးသတ်ဖြတ် ထောင်ချတာတွေ အပြင် လူထုနဲ့ ကမ္ဘာကို သတင်းအမှောင်ချဖို့ ကြိုးစားခဲ့ပါတယ်။
ဒီအခြေအနေမှာ ဧရာ၀တီ သတင်းထောက်တွေအနေနဲ့ ကရင်နီ စစ်မြေပြင်ကို သွားရောက်ခဲ့ပြီး စစ်မြေပြင်မှာ နေထိုင်ပြီး သတင်းယူနေတဲ့ သတင်းထောက်တွေရဲ့ အခြေအနေကို တင်ဆက်ထားပါတယ်။
သတင်းနှင့်ရိုက်ကူး - ဘုန်းအောင်
တည်းဖြတ် - အောင်ငြိမ်းသွေး