Şu günki programmamyzda:
- Türkmenistanda hökümetiň ilata gözegçiligi has-da güýçlenýär. Aşgabat bilen Ahal welaýatynyň Arkadag şäheriniň arasynda gatnawy amala aşyrýan jemgyýetçilik awtobuslarynda wideo kameralar oturdyldy. Azatlyk Radiosynyň paýtagtyň kanun goraýjy edaralarynyň birindäki ygtybarly çeşmesi bu kameralar esasynda “ygtybarsyz raýatlaryň” gözlenýändigini, şübhe astyna düşýänleriň ýakyn yzarlanmalara sezewar edilýändigini aýdýar.
- Ahal welaýatynyň Kaka etrabynyň Kürengala daýhan birleşigindäki galla meýdanynda ýangyn döredi. Ýangynyň netijesinde, onlarça gektar ýerde ýetişen bugdaý hasyly doly ýanyp, kärendeçileriň uly maddy zyýan çekmegine sebäp boldy. Bu ýagdaýlar barada Azatlyk Radiosynyň habarçysy 17-nji iýunda sebitden maglumat berdi.
- Öten agşam Russiýanyň günortasyndaky Azow şäherinde ýerleşýän nebit ammarynda turan uly ýangyna sebäp bolan dron hüjümleri Ukrainanyň esasy howpsuzlyk we aňtaw gullugynyň işi diýip, Ukrainanyň howpsuzlyk güýçlerindäki ygtybarly çeşme 18-nji iýunda Azatlyk Radiosynyň Ukraina gullugyna aýtdy.
Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar
#habarlar