Şəhidin evini görən hər kəs şoka düşdü - Qəşəm İbrahimli yad olundu
Bu gün vətən müharibəsi şəhidi İbrahimli Qəşəm Süleyman oğlunun şəhid olmasından bir il ötür. Ağdam Şəhidlər xiyabanında şəhidimizi yad etməyə gələnlər arasında xeyli insanları müşahidə etmək mümkün idi. Onlar arasında şəhidin ailə üzvlərini, yaxınlarını, vətən müharibəsində yaralanan qaziləri, şəhid ailələrini və Xındırıstan kənd orta məktəbinin müəllim və şagird kollektivini misal çəkə bilərəm. Hər kəs şəhidimizi yad edir, onun döyüş yolundan bəhs edirdi. Şagirdlər şeir deyərkən üz cizgilərindəki niskini, gözlərindəki kədəri görmək olardı. Doğurdanda bu gün hər kəs şəhidin ailəsinə dəstək üçün yığılmışdı. Hər kəs şəhid ailəsinə dəstəyini ifadə edirdi. Ama onların gözlərindəki yaşı silmək nə mümkün. Şəhidin məzarı başında bala deyib səsi göylərə ucalan ananı sakitləşdirmək elə də asan deyildi.
Sonda mərasimə gələn din xadimləri şəhidimizin timsalında bütün şəhidlərimizin ruhuna dualar oxundu şəhidimizə Allahdan rəhmət diləndi.
İbrahimli Qəşəm Süleyman oğlu .
Azərbaycan Silahlı Qüvvələrinin əsgəri, Müddətdən artıq Hərbi qulluqçu , Vətən müharibəsinin şəhidi İbrahimli Qəşəm Süleyman oğlu 20 dekabr 1995-ci ildə Ağdam rayonu Xındırıstan kəndində anadan olub.
9 oktyabr 2020-ci ildə Qarabağın azadlığı uğrunda gedən döyüşlərdə Ağdərə rayonunun Suqovuşan qəsəbəsinin azad olunması zamanı qəhrəmancasına şəhid olub.
Şəhidlər xiyabanında tədbir başa çatmışdı. Və belə Qərara gəldik ki şəhid Qəşəmin il mərasiminin verildiyi Xındırstan kəndindəki yaşadığı evə baş çəkim. gedəndə nə gördüm. Belə evmi olar ilahi. Bu vəziyyətdə insanmı yaşayar. Günümüzün heç bir tələbinə uyğun gəlməyən bir şərait. Yayı isti, qışı isə qızdırması mümkün olmayan torpaq kərpicdən tikilən köhnə bir daxma. Niyə daxma? Çünki özümün qaldığım evi nəzərə alanda özümnən utanaraq bu daxmaya ev deməyə dilim gəlmədi...
Sanki bir şok içərisindəydim və ayılmağım xeyli vaxt çəkdi... Evin içərisi də çöldən nəyi iləsə fərqlənmirdi. Alçaq tavan. Tavan demişkən əgər buna tavan demək mümkünsə. Salafandan tutulmuşdu. və mən uca boy insan olduğum üçün əyilmək zorunda qalmışdım çəkiliş etmək üçün. Əslində burada mənim əyilməyim problem deildi. Sonucda bir neçə dəqiqəlik epizod çəkib çıxacaqdım. Məsələ bu ailənin illərdir bu zülmü çəkməsidir. Otaqda şəhidimizi ağlayan analar bacılar varıydı. Hansı ki, bir bu qədərdə evin darısqal olması nədəni ilə çöldə gözləyirdi... Çünki ev dediyim bu daxma iki balaca otaqdan ibarət idi.
Ama nəhayət ki, məni şokdan ayıldan biri tapıldı. Şəhidin Atası Süleyman İsayev İl mərasimindən öncə İcra başçısı Vaqif Həsənovun Millət vəkili ilə birgə evə baş çəkdiyi ve yeni evin tikiləcəyi ilə bağlı söz verdiyini dedi. Artıq lahiyənin hazır olduğunu və Sülyman bəyə tədim olunduğu məlum olub. Və şəhid ailəsinin xahişi ilə tikinti işlərinin ildən sonraya salınması və bir neçə gün içərisində başlanılması haqqında qərar verilib. Düzü bu xəbərə çox sevindim. Şəhidlər xiyabanını cənnətə çevirən orada hər cür şəraitin yaradılmasında bir başa rolu olan icra başçısının bu işidə öhdəliyinə götürməsi gözlənilən idi. İnşallah evin açılışını qeyd etmək və çəkmək ümidi ilə təki bütün problemlərimiz belə həllini tapsın deyərək repoortajı sonlandırıram.