Рет қаралды 68,736
မန္တလေးမြို့ ၏ တော်ဝင်နန်းသုံး အစားအစာတဈခု ဖြစ်တဲ့ ခနုံထုပ် လုပ်နည်းလေးပါ။ ခနုံ (Khanon) ဆိုတာ ထိုင်းဘာသာစကား အရ "မုန့်" လို့အဓိပ္ပာယ်ရပြီး... ထုပ် (Htok) ဆိုသည်မှာ မြန်မာဘာသာ စကားဖြစ်ပါသည်။ ခနုံထုပ်ရဲ့ ရာဇဝင်ကို အောက်ဆုံးမှာ ဖော်ပြထားပါတယ်။
ပါဝင်တဲ့ပစ္စည်းတွေကို အောက်တွင် ဖော်ပြပေးထားပါတယ်။
ကျွန်တော့် ယူ့ကျူ့ ချန်နယ်လေးကို Subscribe မလုပ်ရသေးတဲ့ သူငယ်ချင်းတွေလည်း Subscribe လုပ်ပြီး အားပေးပါဦးခင်ဗျာ။ ဒီပေ့ချ်လေးက ပို့စ်တင်ပေမယ့် လူတိုင်းဆီကိုမရောက်တဲ့ အတွက် ယူကျူ့မှာ Subscribe လုပ်တဲ့အခါ ဘေးနားက ခေါင်းလောင်းလေးကိုနှိပ်ထားရင် ပို့စ်အသစ်တင်တိုင်း Notification ကို သိရှိမှာဖြစ်ပါတယ်။
ဗီဒီယိုကိုကြည့်ပြီး မရှင်းလင်းတာရှိရင်လည်း comment ပေးပြီးမေးလို့ရပါတယ်။ ကျွန်တော် K2 ရဲ့ ဟင်းချက်တဲ့ ဗီဒီယိုလေးများကို အမြဲကြည့်ရှှုဖို့ ယူကျု့မှာ Subscribe လုပ်ပေးပါဦးခင်ဗျာ။ ဗီဒီယိုလေးတွေထပ်ပြီးတင်သွားဖို့ အားတွေက ကျွန်တော့် အချစ်ဆုံး K1 နဲ့ ကျွန်တော့်ရဲ့ ဗီဒီယိုလေးကို အမြဲအားပေးကြည့်ရှုပေးတဲ့ မိတ်ဆွေ တွေပါ။
လာရောက်ကြည့်ရှုသူ မိတ်ဆွေ တွေအားလုံး ကျန်းမာပျော်ရွှင်ကြပါစေ။
Cook for K1_ KZfaq Channel
/ cookfork1
Cook for K1 _Facebook page
/ cookfork1
#cookfork1 #CookforK1 #ခနုံထုပ် #khanonhtok
ပါဝင်ပစ္စည်းများကတော့
မုန့်ဖတ်ပြုလုပ်ရန်
ဘက်စုံသုံးဂျုံမှုန့် - 1/3 ချိန်ခွက်
ကြက်ဥ - ၃ လုံး
ရေ - ၁၀၀ မီလီလီတာ
ဆား - လက်ဖက်ရည်ဇွန်း ၁ ဇွန်း
သကြား - ဇွန်း တဝက်
ခနုံထုပ်ထဲမှာ ထည့်မည့် အစာလုပ်ရန်
ကြက်ရင်ပုံတခြမ်း - ၅၀၀ ဂရမ်
Chive (ခုချိုင်) - ၂ စည်း
ပဲငံပြာရည်အကြည် - ၂ဇွန်း
ဂျင်း - ၃ပြား
သကြား - ဇွန်း တဝက်
ဇီယာစေ့ - လက်ဖက်ရည်ဇွန်း တဝက် (မထည့်လည်းရပါတယ်)
ကြက်သွန်နီ - ၂ လုံး
ဟင်းချက်ဆီ - အနည်းငယ်
တို့လိုအပ်ပါတယ်။
ခနုံထုပ်ဆိုသည်မှာ မန္တလေးမြို့၏ တော်ဝင်နန်းသုံး အစားအစာတစ်ခုဖြစ်သည်။ ခနုံထုပ်သည် မြန်မာအမည်မဟုတ်ပါ။ ယိုးဒယားအမည် Khanom (ထိုင်း: ขนม)ဖြစ်သည်။
ခရစ်နှစ် ၁၇၆၃ ခုနှစ်တွင် အင်းဝနေပြည်တော်၌ ဆင်ဖြူရှင်မင်း စိုးစံစဉ်အခါက စစ်ပွဲနိုင်သဖြင့် ခေါ်ယူလာသော ယိုးဒယားလူမျိုးများကို အင်းဝတွင် နေရာချထားပေးခဲ့သည်။ ကောဇာသက္ကရာဇ် ၁၂၂၁ ခုနှစ်ရောက်သည့်အခါ မင်းတုန်းမင်းက ရတနာပူရ ခေါ် မန္တလေးရတနာပုံ နေပြည်တော် တည်ထောင်သည့်အခါတွင် ယိုးဒယားဝင်း၊ ယိုးဒယားတန်း၊ မင်းသားစု၊ မုန့်တီစု ဟူသော ဝင်းများ၊ ရပ်ကွက်များတွင် ယိုးဒယားလူမျိုးများ ဆက်လက်ပြောင်းရွေ့နေထိုင်ခဲ့ကြသည်။
ယိုးဒယားဝင်းသည် လက်ရှိ မန္တလေးမြို့ (၂၉ ) လမ်းနှင့် လမ်း (၃၀) ကြား ၊ (၈၁) လမ်းနှင့် (၈၂) လမ်းကြားတွင် တည်ရှိသည်။ ထို ယိုးဒယားဝင်းတွင် ယိုးဒယား အစားအသောက်များ ရောင်းချသော ဈေးလည်း ရှိခဲ့သည်။ ယိုးဒယားဈေးတွင် ရောင်းချသော ယိုးဒယား အစားအသောက်များမှာ မုန့်တီ၊ မုန့်ဟင်းခါး၊ အုန်းနို့ခေါက်ဆွဲ၊ ထိုးမုန့် ၊ ဆနွင်းမကင်း၊ မာစကတ်၊ မုန့်လက်ဆောင်းနှင့် ခနုံထုပ်တို့ ဖြစ်ပြီး ထိုအစားအစာအားလုံးသည် အခုအခါတွင် မန္တလေးမုန့်များ ဖြစ်ကုန်ကြသည်။
ဒီအစားအစာများထဲမှ ခနုံထုပ်သည် တော်ဝင်နန်းသုံးအစားအစာ ဖြစ်ခဲ့သည်။ ပါတော်မူပြီးနောက် ကာလများတွင်လည်း ဆွေတော် မျိုးတော်များ၏ အလှူအတန်း ပွဲလမ်းများတွင် ခနုံထုပ်ကို ဂုဏ်ယူဝင့်ကြွားစွာ ထည့်သွင်းကျွေးမွေးကြသည်။ ခေတ်ပြောင်းလာသည့်အခါတွင်လည်း ကုန်သည် ပွဲစား ပိုက်ဆံရှိအသိုင်းအဝိုင်း၏ အလှူအတန်းများတွင် ခနုံထုပ်ကို တခုတ်တရ ထည့်သွင်းကျွေးမွေးဧည့်ခံသော အစဉ်အလာ တစ်ရပ်လည်းရှိခဲ့သည်။
မန္တလေး ဈေးချိုတော် ခေတ်ကောင်းစဉ်အခါကလည်း ဈေးချိုသူများ၏ နေ့လယ်နေ့ခင်း အဆာပြေတန်ဖိုးရှိ အစားအစာဖြစ်ခဲ့ပါသေးသည်။ နောက်ပိုင်း အလှူအတန်းများတွင် အသင့်စား ရေခဲမုန့်၊ ကိတ်မုန့်၊ ဒင်းဆမ်းတို့ နေရာယူသွားချိန်တွင် ခနုံထုပ်သည် ပျောက်ကွယ်လုနီးပါးဖြစ်ခဲ့ရသည်။
မန္တလေးမြို့တွင် လ္ဘက်ရည်ဆိုင် ယဉ်ကျေးမှု ထွန်းကားလာချိန် မန္တလေးအစားအစာအများစု လ္ဘက်ရည်ဆိုင်များတွင် ရရှိနိုင်သော်လည်း တော်ဝင်နန်းသုံးအစားအစာ ခနုံထုပ်အား မရရှိနိုင်ခဲ့ပေ။ ထိုမုန့်ကို မန္တလေး ဒေသခံ ဇနီးမောင်နှံ နှစ်ဦးက မန္တလေးမြို့နာမည်ကြီး လ္ဘက်ရည်ဆိုင်များမှာ ခနုံထုပ်ကို ပြန်လည်ဖော်ထုတ်လိုက်ရာတွင် မန္တလေး၏တော်ဝင်နန်းသုံး အစားအစာ ခနုံထုပ်သည် လက်ရှိ မန္တလေးမှ နာမည်ကြီး လ္ဘက်ရည်ဆိုင် တော်တော်များများတွင် မှာယူစားသုံးလို့ရနေပြီ ဖြစ်သည်။