გადაცემა „ლიტერატურული წახნაგები“ რუბრიკით Dichtung und Wahrheit („პოეზია და სინამდვილე“) გთავაზობთ საუბარს ევროპული ლიტერატურის პირველ და ერთ-ერთ უდიდეს წარმომადგენელზე, ჰომეროსზე, მის პოემებზე „ილიადასა“ და „ოდისეაზე“ და მათს კავშირზე ისტორიასთან. იყო თუ არ იყო ტროის ომი, თუ იყო, როდის იყო, რა შეიძლებოდა სცოდნოდა ჰომეროსს ამ ომზე, როგორ აისახა ეს ომი ისტორიის ანალებში, რამდენად ისტორიული არიან ჰომეროსის პერსონაჟები, სინამდვილეში როგორი იქნებოდა აქილევსი, პანდორას რომელ ქვაბს ახადა სარქველი შლიმანმა - ამაზე იქნება საუბარი გადაცემაში.