#PIKADILYO #PICADILLO #LUTONGBAHAY #LUTONGBICOL #BICOLANA #MANAY
Mga Sangkap na kakailanganin para sa pagluto ng Pikadilyo:
Tilapia (Daing Cut)
Dalag (Tinatawag na Talusog ng mga Taga Bato) (Daing Cut)
Kamias
Sibuyas
Dahon ng sibuyas (for garnish)
Bawang
Sili
Luya
Tanglad
Kang Kong
Talbos ng Lubi-Lubi
Dahon ng saging
Gata ng niyog (Depende sa gusto mong dami ng sabaw na gata. )
Mantika
Iodized Salt
Unang paghahanda:
• Unahin munang hiwain at tadtarin ang mga sangkap (rekado) na kakailanganin para ipalaman sa tiyan ng mga isda. (Wag rin kalimutang mag ingat upang hindi maisama ang inyong daliri na mahiwa.)
• Paghaluin ang mga tinadtad na sangkap at lagyan ng iodized salt depende sa nais mong timpla. Paalala rin po na dapat balanse lang ang lasa ng lahat ng sangkap. Hindi rin dapat sobrang asim dahil sa dami ng kamias dapat balanse lang lahat ng lasa.
• Kung pasado na sa panlasa mo ang lasa ng ng mga pinag halong sangkap, pwede na itong ipalaman sa isda.
• Magtira ng mga 5 teaspoon o higit pa ng tinadtad na mga sangkap para panghalo sa ginataang tilapia at dalag.
• Lagyan o haplusan ng asin ang balat ng ipi-pritong isda.
Para sa Pagluto ng Pritong Pikadilyong Tilapia at Dalag:
• Magpa init ng mantika sa kawali (Katamtamang temperatura lang.)
• I-prito ang isda hanggang sa maging crispy at kulay dark brown or red na ang isda.
• Hanguin at patuyuin o i drain sa dahon ng saging o kaya sa paper towel ng ilang minuto.
Ready na ang Prinitong Pikadilyong Tilapia at Dalag!
Para sa Pagluto ng Ginataang Pikadilyong Tilapia at Dalag:
• Ilagay ang ilang pirasong haba ng tanglad at talbos ng lubi-lubi sa kawali o kaserola.
• Ilagay ang gata at yung nireserbang tinadtad na mga sangkap kanina. (Pwede ring humiwa o magdagdag pa ng ilang pirasong sibuyas, bawang at luya kung gusto mo pang mas malasa.)
• Ilagay ang isda at lagyan na rin ng siling haba sa ibabaw nito pati na rin ang binigkis na tanglad.
• Hintaying kumulo ang gata.
• Lagyan ng asin ng naaayon sa panlasa mo.
• Pag malambot na ang isda at luto na, ilagay ang Kang kong pero mas maganda kung half cook lang ito.
• Hanguin sa kawali o kaserola ang mga ito.
Ayan na! Ready to serve na ang Ginataang Pikadilyong Tilapia at Dalag.
_____________________________
Music used
© Sa Libis Ng Nayon - S. Suarez Solo Classical Guitar
© Sarung Banggi - Renato Salazar
© Lawiswis Kawayan - Renato Salazar