ဒီဇန်နဝါရီအပြောင်းအရွှေ့ကာလမှာ ဂျာမန်ကလပ်ဒေါ့မွန်အသင်းကိုပြောင်းရွှေ့လာခဲ့ဲတဲ့ တိုက်စစ်မှူးလေးဟော်လန်း….
သူ့ရဲ့အံ့မခန်းဂိုးသွင်းစွမ်းရည်တွေ ၊ သူ့ရဲ့ဂိုးပေါက်ရှေ့မှာ ဝါရင့်တိုက်စစ်မှူးတွေလိုတည်ငြိမ်မှု တွေကြောင့် အသက် ၁၉ နှစ်သာရှိသေးတဲ့သူဟာ ကမ္ဘာ့ဘောလုံးလောကမှာ အမြင့်ပျံနေပြီဖြစ်ပါတယ်။
ဒီနော်ဝေးသားလေးဟာ ချန်ပီယံလိဂ်အုပ်စုအဆင့်မှာ အသင်းဟောင်း သြစတြီးယားကလပ် ရက်ဘူးဆဲဘတ်နဲ့အတူ ခြေစွမ်းကောင်းတွေပြသနိုင်ခဲ့သူပါ။
သူရဲ့ အသင်းဟောင်း မှတ်တမ်းကတော့ ၄ ပွဲကစား ၈ ဂိုးအထိရ သွင်းယူထားတာပါ။
ဟော်လန်းဟာ ချန်ပီယံလိဂ်မှာသာမက သြစတြီးယားဘွန်ဒက်လီဂါမှာပါ နောက်ခံလူတိုင်းထိန်းချုပ်ရခက်တဲ့ တိုက်စစ်မှူးလေးဖြစ်ပြီး လိဂ်ဂိုး ၁၆ ဂိုးအထိသွင်းယူရရှိခဲ့ပါတယ်။