ချင်ရှီဟွမ်ကို ရှီဟွမ်တီလို့လည်း လူသိများပါတယ်။ သူဟာ ရှေးဘုရင် အဆက်ဆက် လက်ထက်က ရေးသားခဲ့တဲ့ စာဟောင်းပေဟောင်းတွေကို ဘာမှ အသုံးမဝင်တဲ့ဟာ တွေလို့ဆိုပြီး မီးရှို့ခဲ့သူပါ။ ဒါပေမယ့် သူဟာ တရုတ် ၇ ပြည်ထောင်ကို တပေါင်းတစည်းတည်း အဖြစ် သိမ်းသွင်း အုပ်ချုပ်နိုင်ခဲ့တဲ့ ပထမဆုံး တရုတ် အင်ပိုင်ယာ ဧကရာဇ်ဖြစ်ပါတယ်။ သူဟာ ဖျက်ဆီးသူ၊ အာဏာရှင် အဖြစ် တဖက်မှာ နာမည် ဆိုးနဲ့ ကျော်ကြားသလို တိုင်းပြည်ကို ဖွံ့ဖြိုးတိုးတက်စေသူ၊ ယဉ်ကျေးမှု မြင့်မား အောင် စွမ်းဆောင်နိုင်သူ အဖြစ်လည်း နာမည်ကြီးပြန်ပါတယ်။ သူ့ရဲ့ နာမည် အကြီးဆုံး လုပ်ရပ်တွေထဲမှာ မဟာတံတိုင်းကြီးကို တိုးချဲ့နိုင်ခဲ့တာဟာ ထင်ရှားတဲ့ အချက်တချက်ဖြစ်ပါတယ်။