#Feature
◾️ ထိုင်းနိုင်ငံက ပြောင်းလဲလိုက်တဲ့ ဗီဇာမူဝါဒတွေက ဘာတွေလဲ
ထိုင်းနိုင်ငံမှာ ယခု ဇွန်လ ၁ ရက်ကစပြီး ဗီဇာမူဝါဒတွေဖြေလျှော့တဲ့ အပြောင်းအလဲတွေကို ထိုင်းအစိုးရကထုတ်ပြန်ခဲ့ပါတယ်။ ထိုင်းနိုင်ငံက တက္ကသိုလ်ကျောင်းတွေမှာ ပညာသင်ကြားပြီး ဘွဲ့ရထားသူတွေအတွက် ထိုင်းနိုင်ငံမှာ တစ်နှစ်နေထိုင်ခွင့်အပါအဝင် ငါးနှစ်သက်တမ်းတိုးခွင့်ရှိတဲ့ ဗီဇာအမျိုးအစားသစ်ကိုလည်း ထိုင်းအစိုးရကကြေညာထားပါတယ်။
လျှော့ချပေးလိုက်တဲ့ ဗီဇာမူဝါဒတွေမှာ ဗီဇာကင်းလွတ်ခွင့်နိုင်ငံ(Visa-Free)၊ ဆိုက်ရောက်ဗီဇာ (Visa-on-Arrival)၊ နေထိုင်ခွင့်ဗီဇာအမျိုးအစားအသစ် (Destination Thailand Visa)၊ ကျောင်းပြီးသူများအတွက် တစ်နှစ်နေထိုင်ခွင့်ဗီဇာနဲ့ ရက်ရှည်နေထိုင်သူတွေအတွက်ဗီဇာ (Long-stay Visa) တွေ အားလုံးအကျုံးဝင်မှာဖြစ်ပါတယ်။
ထိုင်းနိုင်ငံဟာ ကာလရှည်ကြာ စီးပွားရေးနှေးကွေးမှု၊ GDP နိမ့်ဆင်းမှုတွေကြောင့် ပြီးခဲ့တဲ့ မေလ ၂၈ ရက်က ပြုလုပ်ခဲ့တဲ့ အစိုးရအဖွဲ့အစည်းအဝေးမှာ ဗီဇာမူဝါဒတွေဖြေလျှော့ပြီး အပြောင်းအလဲတွေ ပြုလုပ်ဖို့ ဆုံးဖြတ်ချက်တွေ ချမှတ်ခဲ့တာဖြစ်တယ်လို့ ထိုင်းအစိုးရရဲ့ပြောရေးဆိုခွင့်ရှိသူ Chai Wacharonke က ထိုင်းသတင်းမီဒီယာတွေကိုပြောဆိုထားပါတယ်။
#thestandardtimetv
#စံတော်ချိန်သတင်းဌာန
#Thai_Visa
Facebook Page - cb.run/XYtn
Telegram - cb.run/e3Ok
Viber - cb.run/WnV5