請你心安暫時的艱苦毋免操煩 Tshiánn lí sim-an tsiām-sî ê kan-khóo m̄-bián tshau-huân 我命輕俗事毋捌好歹攏仝款 Guá miā khin sio̍k-sū m̄-bat hó-pháinn lóng kāng-khuán 我奉茶無形發願致蔭你富貴龍虎雙全 Guá hōng-tê bû-hîng huat-guān tì-ìm lí hù-kuì liông hóo siang tsuân 若是精神了後向前行毋免小等 Nā-sī tsing-sîn liáu-āu hiòng-tsiân kiânn m̄-bián sió-tán 是吾自願這輕生賤命換啥攏趁 Sū ngôo tsū-guān tse khin sing tsiān miā uānn siánn lóng thàn 我講話事實頇顢掠愈絚愈慘 Guá kóng-uē sū-si̍t hân-bān lia̍h lú ân lú tshám 長短香虔誠燒完安搭好一切全無遺憾 Tn̂g-té hiunn khiân-sîng sio uân an-tah hó it-tshè tsuân bô uî-hām 若是長暝無暖深夜子時伴你入夢 Nā-sī tn̂g mî bô luán tshim-iā tsú-sî phuānn lí li̍p bāng 可怕是神鬼一念之間 Khó-phà sī sîn kuí it liām tsi-kan 上驚是七殺化忌紅鸞 Siōng kiann sī Tshit-sat huà khī Âng-luân 頭前是光明抑是烏暗癡心不管 Thâu-tsîng sī kong-bîng ia̍h-sī oo-àm tshi sim put-kuán 掠準講未來相思千萬 lia̍h-tsún-kóng bī-lâi siunn-su tshian-bān 寂寞的秋風掃過菅芒 Siok-bo̍k ê tshiu-hong sàu-kuè kuann-bâng 可笑是姻緣傷緊到站 Khó tshiò sī in-iân siunn kín kàu-tsām 歇喘無時間 Hioh-tshuán bô sî-kan 閘天地且慢 Tsa̍h thinn-tē tshiánn-bān 我硬吞結局尾冬換紅 Guá ngē thun kiat-kio̍k bué tang uānn-âng 誰容允你自私留我孤戀 Siáng iông-ín lí tsū-su lâu guá koo luân 管待伊妖魔邪祟提身試膽 Kuán-thāi i iau-môo siâ sui the̍h sin tshì tánn 我無福享受一生平凡 Guá bô hok hiáng-siū it-sing pîng-huân 執訣的破軍照對劫空 Tsip kuat ê Phuà-kun tsiàu tuì Kiap-khang 你熟似猶原是彼个人 Lí si̍k-sāi iu-guân sī hit-ê lâng 永遠仝款 Ing-uán kāng-khuán 束情的凌治命運可嘆 Sok tsîng ê lîng-tī miā-ūn khó thàn 會當換你一工算一工 Ē-tàng uānn lí tsi̍t-kang sǹg tsi̍t-kang 一絲光線影著你掛念 Tsi̍t-si kng-suànn iánn-tio̍h lí kuà-liām 我目箍澹 Guá ba̍k-khoo tâm

不只歌詞 連畫面都很用心 非常厲害的一首歌

如此道地的台語竟能用出這種質感，真希望這樣的歌能多被聽到

詞好美，歌曲中的故事也好讓人揪心，期待專輯的其他歌曲！！

詞曲無雙

男主入魔眼神好帥😮

好棒的創作👍

謝謝您的歌喚醒我的初心

👍👍👍

好棒

好好聽！

👍

好厲害的詞，要仔細參詳才能懂得其中的隱喻。

聽到別人翻唱來的，原唱也好有味道