【專訪有片︱黃秋生生日遇惡霸陀地︰冷眼看螃蟹，看你橫行到幾時】
黃秋生長得高頭大馬，演歹角奸到入血，演重案組黃Sir又一副正氣凜然。
「惡人」拍戲，一樣有人收陀地。
部戲叫《鎗火》。
鬼哥、南哥、阿肥、來哥、阿信、阿Mike一字排開MIRROR咁款影poster，收陀地？
「好好笑。有一晚我哋喺酒樓拍攝期間，突然聽到有人好大力閂門，然後講粗口，見到幾名大漢走入嚟，好似想收陀地，大約有四個人左右。當大家都唔知道發生咩嘢事嘅時候，有位大哥攞起隻碗拍落張枱度，然後行埋嚟我哋嗰張枱反枱，問︰『邊個批准喺度拍戲！』不斷鬧，然後全部人散開晒。」秋生一口氣講咗個引子，畫面出晒嚟。酒樓嗰場，咪就係嗰場囉！
跟住點？「當時現場有林雪、張耀揚同吳鎮宇。嗰個人企喺我前面，我無郁到，只係坐喺度，我就睇吓咩嘢情況。」
現實情節，往往比劇情荒謬。「我望住前面個人，講緊一啲好威風嘅說話時，我雙眼好似鏡頭咁移動，由頭向下望，發現佢手震，原來拍碗嘅時候割開咗，啲血不斷滴緊。然後我發現啲血好似劏雞咁樣，由隔籬枱一直滴過嚟，成條血路咁樣，我覺得好荒謬。
「當事人好威風咁樣講嘢，但隻手就滴緊血。我見到呢個情況，撞啱嗰日係我生日，唔好搞咁多嘢，都係坐去後面。」原來撞正秋生牛一，那年他應該38歲……
訂閱支持《娛壹》閱讀全文及足本片：
/ 56227741
鳴謝場地︰Tapa Room
採訪︰SK/ S.Lo
攝錄 : Jerry Lam
相片攝影 ︰@kazsiuwan
化妝︰Jolinn NG
髮型 : Taky Chung@AdmiX Hair Styling
#黃秋生 #鎗火 #杜琪峯 #林雪 #吳鎮宇 #張耀揚 #收陀地 #娛壹