‪@Sl.020‬
ياسيف الزير كافي خالد ال بريك - معجب جريس & سواليفك طلبتك لاتقيدها بـ الاستفهام؟ 2024 حصرياً
.
إشترك في قناة الساطي الرسمية
للحصول على أحدث إصداراته الفنية
لـ التصميم رابط الواتس مباشر ⤵️
‏api.whatsapp.com/send?phone=9...
تصميم
الساطي - القناة الرسميه
لمتابعة الساطي عبر سناب شات
‏ / 9vnvuhou
#الساطي
بدا ليل المعاتب والقصيد وهبت الانسام
وشالتني هجوسي عن محيط المرقد الدافي
ليا انصفت القصيد اللي مايبغا فخفخه واعلام
من الانصاف يالذوق الرفيع الفارق انصافي
مضى لي وقت متغيب ومبعد والهجوس حيام
الي فتره مع الضحك وطروق الشعر متجافي
يانشاد اعفني من نشدتن ماهيب ذات الزام
لو اقول الك متعافي ترا مانيب متعافي
سواليفك طلبتك لاتقيدها بـ الاستفهام؟
عشان اضحك واسولف والله اللي يعلم الخافي
ظروف الوقت ردت سيف سالم في نحر همام
ياسيف الزير كافي لاتفت جروحنا كافي
اجامل واتغاضا واتجاوز قسوه الايام
واغيب عن الوجيه اليا تعكر جوي الصافي
لو اشكي واتوجد قالو العقال ماينلام
لكن لاهس عزمي هس فـ الميقاف ميقافي
هوى النفس العزيزه حق مشروع وقدر واكرام
وانا نفسي هواها صار متشتت ومتلافي
تمثنيت المعاناه المريره لي ثلاث اعوام
وشفت الموت قدمي والسعاده صارت خلافي
لكني عشت ماعرف الرجوع اسوقها قدام
لو اطا جمرة النار الوقيده بقدمي حافي
على روس القمم جرة رجولي كنها مرسام
لو تهب الذواري ماقدر في دفنها السافي
تخطيت وتخطريت الظروف وللظروف احكام
اكافحها لوني صرت مدري وشهي اهدافي
اذا ماعلنت قوة موقفي ماعلنت الاستسلام
يصدون العرب من دون نارٍ نورها طافي
ولن زادت حمولي لي من زحول الرجال حزام
سنافي والشدايد مالها الا فزعت سنافي
يافيصل ياولد تركي ياراس الهيلع المقدام
مقامك وش يجنبنا عنه يامكرم اللافي
حفل عبدالمجيد نعد اله ونعده امرن هام
على شانه صخرت بيوت شعري واستوى قافي
يبن مرزن ترا تاريخكم ماهوب روس اقلام
مطانيخٍ تناصكم قصيد المدح متقافي
رقيتو قمة الامجاد واصبحتو من الاعلام
عسى يفداكم ضعيف الروابع ترثة الهافي
ورثتو طيب ابوكم ياعيال معزب الحكام
على مر الليالي مجد تركي ماهو بخافي
ليا عدو شيوخ الفعل عدوه الرجال شمام
وجا للنعم فاقه لين صارت مالها رافي
ليا تكا تصدر صدر وان جات الله الله قام
لونه ينطح كبار الخطوب بهيبته كافي
عسى الله يرحمه كم عاون القصار والايتام
وكم من روس عاشت في طوارف بشته الضافي
من زحول القبيله نصرة الصاحب عما الاخصام
يحق النا الممارا والفخر في مجد الاسلافي
تواريخ العوازم ثابته من ماضي الاعوام
قبل حكم الملك عبدالعزيز وحكم الاشرافي
ليامني ذكرت فعولنا اللي للصدور وسام
احس اني ورى الجدي ونجوم الكون فطرافي
معجب جريس