ACCANTU À TÈ
Una luci ni trema
Di i lacrimi appiccati
U tempu chì sumina
I candeli abbandunati
U mandile hà accunciatu
I ricorda i più anziani
Di a storia chì t'hà minatu
N'hà u sangu nant'à i mani
L'omi chì t'ani trova
Ani di tè signuredda
A più intima prova
D'essa li ni franca è fida
A billezza chì tù trascini
Di spusalla n'ani primura
Da i costi fin'à i to cimi
U to velu di virdura
Ma u me più caru piacè
Saria d'essa accantu à tè
Pà una vita infinita
Quandu veni l'attrachju
M'arripongu una cria
Sutt'u celi stiddatu
Par tenati cumpagnia
Avà chì a luna hè pisata
Possu lascià lintà i brami
A me vita ùn ti sarà sviata
Oghji menu chì dumani
Ma u me più caru piacè
Saria d'essa accantu à tè
Pà una vita infinita
Cù dui rimi è un'armunia
Ti voddu vesta di maravidda
Più d'una vita infinita
C. CONTRI - C. CANARELLI