Рет қаралды 1,141
Таны эргэн тойронд ямар хүмүүс байна?
Нэг оролдлого хийгээд л амжилтад хүрэхгүй бол өөр зүйл сонирхож эхэлдэг,
Шагнал урамшуулал ирэхгүй бол бууж өгдөг хүмүүс.
Миний бодлоор, энэ төрлийн хүмүүс:
Бага байхдаа тэмцээн уралдаанд түрүүлээд, гэртээ алт, мөнгөн медаль зүүгээд ордог байсан байх.
Тэр үед нь эцэг эх нь:
“Миний охин/хүү мундаг шүү”
“Ээж аав хоёр нь чамайг шагнаад, ийм юм авсан, тийм юм авсан” гэж эрхлүүлдэг.
Аа харин, тэмцээндээ түрүүлээгүй үед нь гоё шагнал өгөхгүй нь ойлгомжтой.
Тэр үед хүүхэд:
“Энэ миний хийх зүйл биш юм байна”
“Би муу/суга юм байна”
“Өөр зүйл хийе” гэж боддог.
Ийм томьёогоор хүмүүжсэн хүүхдүүд том болсон хойноо амархан бууж өгдөг болчихдог.
Тэгвэл хүүхдээ хэзээ шагнах ёстой вэ? гэвэл
Бүтэлгүйтээд унасных нь дараа нь… Эргээд босоод ирснийх нь дараа.
Жишээлбэл, би хүүхдээ эхний байранд орсон үед нь магтдаггүй.
Харин ялагдаад, уйлаад, дараа жил ялна гэсэн зорилго тавиад, зорилгынхоо араас явж байгаа үед нь урамшуулдаг, магтдаг, шагнадаг.
Бүтэлгүйтэл бүхний ард 2 сонголт байдаг: БОЛИХ УУ? ДАХИАД ОРОЛДОХ УУ?
Хүүхдийн тань хийж буй сонголт, ирээдүйн амжилтыг нь тодорхойлно.