Рет қаралды 19
Адамға күш, қуат беретін ғажап құндылық бар, ол - ертеңге деген сенім. Сол сенім талай қиындықтан алып шығады. Ел Президентінің «Бақытты отбасы» бағдарламасы мен «Ұлттық қор - балаларға» деген жобасының игілігі мен тәуелсіз елдің ертеңіне деген сенім туралы қызылордалық Ибрагимовтер отбасы айтып бере алады.
Гүлзинат пен Жарылқасын бес перзенттің әке-шешесі. Екеуі қол ұстасып, өмір керуенін бірге жетектеп келеді. Олардың тағдыр жолы тақтайдай түзу болған жоқ, біраз қиындықты бастан өткерді. Талай жыл шиттей бала-шағасымен әркімнің босағасында жүрді. Қазақтың жыртық үйдің құдайы бар деген мақалы бар ғой, Ел Президентінің «Бақытты отбасы» бағдарламасы осы жанұяның баспаналы болуына жол ашты. Одан бөлек, Ұлттық қор - балаларға деген жобасы да кішкентайлардың ертеңіне үміт сәулесін молынан құйып тұр.
Көңіл сабасына түспей, өмір сабасына түспейді демекші, қазір, шүкір, көңіл марқайды. Ертеңін де ойлайды. Отағасы кәсібін кеңейткісі келеді. Пәтер шағын болғанмен, мұндағылардың көңілі дархан. Үйден қонақ үзілмейді. Әр мейман өзімен ырыс ала жүреді дейді ғой, содан болса, керек, қазаны майлы келін Гүлзинаның дастарханы қашанда жаюлы. Бақытты алыстан іздеудің қажеті жоқ, ол - жаныңда, - жан-жарың, бала-шағаң, үлгі берер үлкендерің, - дейді отбасы иелері
Бақытты қоғам осындай бақытты отбасылардан құралады.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv