Рет қаралды 397,012
Алматыдағы қақтығыс кезінде көк түтіннің ішінен көк ту көтеріп шыққан Берік Әбішевке бүгін тағы ота жасалды. Бұл суреттегі оқ атылып, жарылғыш зат жарылып жатқан алаңнан Қазақстанның туын көтере шыққан азаматтың суреті - әлеуметтік желіде көп талқыға түскен болатын. Кейін Берік Әбішев екені, оның басынан жарақат алып, Алматы ауруханаларының бірінде жатқаны айтылды. Жақында ғана комадан шыққан азамат жақындарын танымай, есіне ештеңе түсіре алмаған.
ЕРІК ӘБІШЕВ, Берік Әбішевтің ағасы:
- Құдай сақтасын, бізді атпайды ғой, өзіміздің қазақтың балалары. Ешкімге тиіспейміз, біз мирный митинг, площадты тазалап, жинап, сыпырып, тамақтарын істеп жүрген. Плакаттарын жазып, іліп.
Ту ұстаған жігіт Берік Әбішевтің ағасы Ерік Әбішев, інісімен 6 қаңтар күні не туралы сөйлескенін айтып тұр. Сол күні інім Алматы облысы, Қастек ауылынан алаңға бейбіт шеруге кеткен болатын дейді. 6 қаңтардың кешінде інімнің телефонын басқа адам көтеріп, «Мен оны атып тастадым» деген. Кейін ауруханаларды аралап жүріп, Берікті комада жатқан күйінде таптық дейді. Басынан жараланған, операция жасалып, басы тігілген, бірақ дәрігерлер оқ алған жоқпыз, деп айтыпты.
ЕРІК ӘБІШЕВ, Берік Әбішевтің ағасы:
- Кеше КТға түсіріп едік, басында отек бар деп айтты. Операцияға алып кетті. Операция сәтті өтті деді. Басындағы отек ірің екен. Қазір ағызып жатырмыз, шамалыдан кейін жуып, тазалаймыз миын дейді.
ИРИНА СОВЕТЖАНҚЫЗЫ, Тілші:
- 12 ауруханада жатқан Берік Әбішевке бүгін екінші ота жасалды. Дәрігерлер басында ісік бар деп таңғы сағат 11-де ота жасаған, бірақ науқас әлі есін жимады. Бұл туралы бізге сұхбат берген Ерік Әбішов ауруханада жатқан екі аптаның ішінде азамат айналындағы жақындарын, достарын, ешкімді танымаған. Ештеңені есіне түсіре алмапты.
ЕРІК ӘБІШЕВ, Берік Әбішевтің ағасы:
- Мүлде ештеңе білмейді. Шешемді де танымай отыр. Видеокамерамен сөйлестірейін десем, танымайды, өзінің әйел бала шағасын танымай отыр. +Сөйлеспейді, құлағы естімейді. Ол өзі не болып жатқанын білмейді.
12 аурухана дәрігерлерінен, Берік Әбішевке қандай ота жасалғанын, қазіргі жағдайын сұрап хабарласқанымызда, науқасқа қатысты деректі туыстарынан өзге ешкімге айта алмаймыз, заңды бұза алмаймыз деді.
Ирина Советжанқызы, Думан Сүлейменов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#БерікӘбішев #көктудыңжелбірегені #митинг