Рет қаралды 17,918
Алматы облысында R.O.I. тұтынушылар кооперативіне ақша құйып, пайызсыз үй алмақ болған бір топ салымшы "алдандық" деп шу шығарды. Олар қазір не салған ақшамыз, не алған үйіміз жоқ дейді. Айтуларынша, аталмыш компания келісім шартта көрсетілген талапты түрлі сұлтау айтып өзгертіп жіберген.
Талдықорғандық Күпән Рапхан R.O.I. кооперативі арқылы үйлі боламын деп үміттенген салымшылардың бірі. Айтуынша, компанияның келісім шартында көрсетілген алғашқы 180 мың теңгені және 10 ай бойы ай сайын төленуі тиіс 50 мың теңгені толықтай берген. Ол аздай адамдарды жинап, компанияға салымшы ретінде тартыпты. Енді міне не үйіміз, не ақшамыз жоқ дейді.
КҮПӘН РАПХАН, Талдықорған қаласының тұрғыны:
- Он айлық шарттарыңызды 50 мың теңгемен орындасаңыздар, 11 айда пәтерлеріңізді аласыздар деп айтты. Сондай договор қолымызда да бар... Ал биылғы заңда корпорацияға кіріп, 30 процентін құйғанда он ай күтеді дейді. Бізде ондай мүлдем болмаған.
ҚИСА БЕЙСЕНБЕК, Көксу ауданының тұрғыны:
- Қазіргі кезде Ройға тіркелген 22 мың адам екен. Сол 22 мың адамның 1250 ғана үй алған. Қалған адам үй алмаған. Біздің талап ететініміз Арген мырза уәдесінде тұрсын. Бізге тез арада 2019-2020 жылдарға үйді берсін, уәдесі бойынша, договор бойынша.
Ал бұл, «Рой» тұтынушылар кооперативының төрағасы Арген Нұржанов. Компаниясы Орал қаласында тіркелген. Ол келісім шарттың өзгертілуінің өз себебі бар дейді.
АРГЕН НҰРЖАНОВ, R.O.I. тұтынушылар кооперативының төрағасы:
- Договор өзгерту, қосымша договорларды енгізу ол кәдімгідей кооперативтердің практикасы. Бізде голосование болды. кворум өтті. Кворумда жалғастырып төлейміз деген келісім болды. Сондықтан 50 мың теңгеден ең азы, максимум 30 процентін жинау, қазіргі таңда бізге маңызды болып тұр.
САМАЛ ҚАБЫШЕВА, тілші:
- Пайызсыз баспана алу үшін табысты растау немесе несие тарихы қажет емес. 10 жылға дейін бөліп төлеу. Рой компаниясының осындай жарқыраған жарнамасына сендік деген салымшылар қазір баспаналарын ала-алмай шарасыз күйде отыр. Салымшылардың сөзінше, олар келісім-шартта көрсетілген барлық талаптарды тап-тинақтай етіп орындаған. Бірақ уәде етілген үй жоқ. Сондықтан прокуратура бұл іске тексеру жүргізіп, құқығымызды қорғаса деп көмек сұрап отыр.
.
.
.
.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық