Осыдан үш күн бұрын, яғни 15 маусымнан 16 маусымға қараған түні Алматы облысы Ұйғыр ауданы Шонжы ауылы мен Бахар ауылы жастарының арасында қақтығыс болып, 5 адам пышақ жарақатымен ауруханаға түскен. Ал, кеше Ұйғыр ауданының жастары облыс әкімі Амандық Баталовпен кездесіп, аудан атын ауыстыруды өтінді. Олар, бұл қақтығыс - екі ұлт жастары арасындағы алғашқы қақтығыс емес, жастар арасындағы жанжалдың түпкі себебі басқада, сондықтан Қордай қақтығысы қайталанбасы үшін билік бұл мәселеге шұғыл назар аудару қажеттілігін айтты. ((2КП)) Сонымен... Шонжыда не болды? Неге облыс әкімі жастармен кездесуге шұғыл барып, төрт сағат бойы жиын өткізді? Онда не айтылды? Жастар арасындағы суық қарулы қақтығыстың негізгі себебі не? Жастар арасындағы төбелес - қатардағы қылмыс болса, неге аудан жастары жаппай жиналып, Ұйғыр ауданының атын өзгертуді талап етіп жатыр? Бүгінгі «Сөздің шыны керек» осы сауалдарға жауап іздейтін болады.
#сөздің_шыны_керек #ирина_советжанқызы