Меккеге қажылыққа барып әбден қорлық көрген отандастарымыздың алды өз ақшаларымен елге оралды. Құжаттарымызды тартып алып, жат жерде бір-ақ сәтте құлға айналдық дегендердің басым бөлігі сол күйі парыздарын өтей алмаған кері қайтқан. Ішерге ас таппағандар тіпті бір-бірінен адасып та қалған екен. Екі жарым миллион теңгеден қаражат беріп, парызын өтеудің орнына зар илеген тұрғындардың ол жақта қандай қиындықтарға тап болғанын әріптесім Бауыржан Жақсымбет біліп келді.
Былтыр ғана кіші қажылыққа барып, көңілі жайланып қайтқан Сейітжан Рабат пен оның жұбайы Гүләйшам Нүсіпқожаға ұл-қыздары жиналып биыл әрқайсына екі жарым миллион теңге болатын үлкен қажылық сапарына билет алып берген. Көптен бергі армандарының орындалатынын тағатсыз күткен жандар бір ай бұрын қамадана бастапты. Зәм-Зәм туристік агенттігінің көз тартарлық жарнамасын көріп одан әрі қуанышымыз еселене түсті дейді. Алайда, жат жерге табан тигеннен бастап, тамақ таппай одан қалса, полиция бөлімінен бірақ шықтық дейді. Құжаттарымыздың барлығын гидтер жинап алып, сол арада құлға айналып кете бардық деп отыр.
ГҮЛӘЙШАМ НҮСІПҚОЖА, Есік қаласының тұрғыны:
- Ол жерде де автобустан шығармайды, жаңа да автобустан шығармаған. Туалетке шыға алмаймыз. Тамақ ішпейміз. Суларды әкеп беріп тұрды арасында. Сөйтіп тұрдық ол жақта. 23:22 Келер жылға біздің жанымыз аман бола ма, осыған үлгереміз ба өліп қаламыз ба деп, солар жылағанда сай сүйегің сырқырайды ана жерде отыру мүмкін емес ана кісілердің.
Сауд Арабиясында көз жастары көлдей болған қарттардың жылайтын жөні де бар. Өйткені, биыл дәл осы компанияның билетін Меккеге алып аттанғандардың басым бөлігі өздерінің парызын орындай алмаған. Екі күн тәртіп сақшыларының қапасында түнегендерді содан кейін түсініксіз жағдайдың кесірінен жан-жаққа таратып жіберіпті. Бірі бөтен елді аралаудан аластатылып қонақ үйге аттанса, енді бірінің жолы болып қажылық парызын орындаған. Ерлі-зайыпты Сейітжан Рабат пен Гүләйшам Нүсіпқожаның жолы дәл осы маңда екіге айырылып бір-бірін бірнеше күн таппай қалған. Бірақ, құдайдың қалауымен Арафа тауына барып парызымды өтедім деп отыр.
СЕЙІТЖАН РАБАТ, Есік қаласының тұрғыны:
- Бір жақсы жері былтыр барғанмын ғой мен. Сонымен сол алдымда дүнген бе біреулер жүріп келе жатыр арафаға бардым мен. Арафаға барып, Алла тағала мені осы жерге әкелгеніңе рақмет дедім мен жыладым сол жерде. Енді әйелім жоқ. Қаңғып кеттік қой біз. Әлгі бір ешкілер бар еді ғой қойлар артынан жүретін нақ сол қой сияқты болдық біз. Адамдық қадір жоқ. Жарым түнде барғанда тамақ жоқ.
Бір-бірін тапқан ерлі-зайыптылардың ендігі мақсаты тезірек елге жету болған. Алайда, тур фирма қызметкерлері құжаттарымызды бермей әбден әуре сарсаңға салды дейді. Ұл-қыздары қайтарға билеттерін алып беріп, алты сағат жалынып әрең дегенде құжаттарын қолдарына алған. Бүгін таңда бес адам өз ақшамызбен елге келдік дейді. Ал, бес парыздың бірін орындауға аттанғандар әлі де болса сол жақта дейді. Ал, «зәм-зәм» туристік агенттігінің басшысы Қазақстан діни басқармасынан 304 виза берілген дейді. Егер визалары жалған болса, оларды әлі күнге дейін қамауда ұстайтындығын жеткізді. Ал, 2020 жылдан бастап, мүфтияттың түрлі кедергілеріне ұшырап жатырмыз дейді 50/50 ток-шоуына қатысқан компания басшысы.
ДАНИЯР ИЛИЕВ, «ЗӘМ-ЗӘМ» туристік агенттігінің басшысы:
- Бұл жерде 18 компания квота алған компаниялар бұлар бәрі взятка береді. Берсе өтеді, Қараңыздар, Қазақстан мүфтият діни басқармаға келген кезде барлық нелерге айтып жатқан жоқпын бұл жерде тек қана қажылық бөлім.
Бес парызын өтеймін деген азаматтардың басым бөлігі әлі де болса Сауд Арабиясында. Туристік компания мамандары оларды елге қайтарудың амалын қарастырып жатқанын жеткізді. Ал, елге аман-есен жеткендері енді полицияға шағым түсіретіндерін айтып отыр. Бірнеше күннен бері көпті елең еткізген жаңалық президенттің де назарына ілікті. Осылайша, өзекті мәселені тоқтату үшін құқық қорғау органдарына алаяқтарға ешқандай жеңілдік жасалмауы керегін қадап айтты. Ал, үлкен қажылыққа барып, біраз қорлық көргендердің толық қашан оралатыны әзірге белгісіз.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал