Күн сайын қазақстандықтарға қоңырау шалып, жеке деректерін сұрап алып, банк карталарынан ақшаларын ұрлайтын алаяқтар көбейіп барады. Өкінішке қарай, адамдардың өздері еш ойланбастан барлық мәліметтерді айтып, кейіннен өкініп жатады дейді мамандар. Сізге банктің шынайы қызметкері хабарласып тұрғаны мен хакерлік жабуылдың жасалғалы отырғанын қалай ажыратуға болады?
Өзін банк қызметкері ретінде таныстырған алаяқтың арбауына алматылық Оксана қалай түсіп қалғанын да білмейді. Сенімді сөйлеген бейтаныс азаматтың айтқанын бұлжытпай орындадым дейді ол. "Есеп шотыңыздан бәзбіреулер қаражат шешіп алмақшы, сондықтан дереу депозиттегі ақшаңызды өзге картаға аударуыңыз қажет депті. Ойланып та үлгермеген Оксананың барлық қаржысын олар әп-сетте қымқырып үлгерген.
ОКСАНА, Алматы қаласының тұрғыны:
- Шотыңыздағы ақшаңыздан айырылып қалғыңыз келмесе, дереу біз айтқан картаға қаражатыңызды аударыңыз деді. Мен оларға сеніп, 900 мың теңгені өзге картаға аударып жібердім. Олар өте ұзақ әрі сауатты түсіндірді. Мен банкке барғанда ғана алданып қалғанымды бірақ білдім.
ӘЙГЕРІМ ЕРДӘУЛЕТ, тілші:
- Оксананың банк картасындағы ақшасын сыпырып алғандар, қайта оның атына несие рәсімдеп үлгермепті. Соңғы кезде алаяқтардың осылай телефон шалып, клиенттердің өз аузынан барлық мәліметтерді біліп алуы жиілеп кеткен. Мамандар, банктің шынайы қызметкері мен алаяқты айыру негізінде оп-оңай дейді.
СӘУЛЕ ЫНТЫҚБАЕВА, ҚР қаржылық нарықты реттеу және дамыту агенттігінің басқарама басшысы:
- Алаяқтар әдетте, мобильді қосымшасының паролін өзгерту керек деп хабарласады. Сіздің жсн нөміріңізді, картаның артқы бетіндегі 3 таңбалы кодты, реквизиттерді сұрайды. Сілтеме жіберіп, сол бойынша өтуді өтінеді. Сондай-ақ, қандай да бір мобильді қосымшаны көшіруді сұрайды. Осы деректерді айтпауларыңызды өтінеміз.
ӘЙГЕРІМ ЕРДӘУЛЕТ, тілші:
- Алаяқтар, шотыңыздан ақша ұрлануы қаупі барын алға тартып, қаражатыңызды шұғыл "басқа қосымша шотқа" немесе "сақтандыру ұяшығына" аудару керек деп сылтауратады екен. Күн сайын жаңа айла-амал ойлап табатын хаккерлердің жолын кесудің бір-ақ тәсілі бар дейді мамандар. Ол жеке деректеріңізді тергеп сұрай бастаған бейтаныс адамға артық мәлімет айтпау.
Әйгерім Ердәулет Влад Шишко
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#онлайн_банкинг #желідегі_алаяқтар