"İrəli" İctimai Birliyinin təşkilatçılığı, Azərbaycan Gənclər Fondunun dəstəyilə baş tutan "Müzəffər Əsgərimiz" layihəsinin əsas məqsədi 44 günlük Vətən müharibəsində qələbəni bizə yaşadan qəhrəmanlarımızı tanıtmaq və onların xatirəsini hər zaman yad etməkdir.
Bu filmin qəhrəmanı - şəhid Teymurzadə Nahid Üzeyir oğlu 23 iyun 1997-ci ildə Biləsuvar rayonu, Günəşli Kəndində anadan olub. 2003-2014-cü illərdə İsmətli kənd tam orta məktəbdə orta təhsil alıb. Nahid Teymurzadə Azərbaycan Respublikasının ərazi bütövlüyü uğrunda 27 sentyabr 2020-ci ildən başlayan Vətən müharibəsinə könüllü şəkildə qoşulub. Cəbrayıl, Kəlbəcər və Xocavənd rayonları istiqamətində gedən döyüşlərdə böyük şücaət göstərib. Düşmən hücumunun qarşısını alarkən qəhrəmancasına şəhid olub. Nahid Teymurzadə 22 oktyabr 2020-ci il tarixində Biləsuvar rayonu, İsmətli kənd məzarlığında dəfn olunub. Subay idi.
Vətən sağ olsun!
#MüzəffərƏsgərimiz #ireli2021 #AzGF #hərşeyVətənüçün