ҒАМХОРӢ БА БЕМОРОН
"Дасти ёрӣ дароз намудан ба беморону ятимон, камбизоатону маъюбон ва пирону барҷомондагон яке аз фазилатҳои хуби инсонист."
Пешвои миллат- муҳтарам Эмомалӣ Раҳмон
Дар партави сиёсати инсондӯстона ва пайравӣ ба амалҳои эҳсонкоронаи Асосгузори сулҳу ваҳдати миллӣ-Пешвои муаззами миллат муҳтарам Эмомалӣ Раҳмон ва дастури раиси шаҳри Исфара Баҳодурзода Баҳоваддин дар шаҳри Исфара бо ташаббуси соҳибкорони муваффақу дастбахайри Исфарамарз корҳои эҳсонкорӣ вусъати тоза дорад.
Дар ин радиф бахшида ба муносибати фарорасии ҷашни байналмилалии Наврӯз, фасли баҳор ва иди саиди фитр бо мусоидати ду нафар марди саховатманд, соҳибкорони некхоҳ дар ҳамкорӣ бо ташкилоти ҷамъиятии "Ормони дилҳо" ба 230 нафар беморони беморхонаи касалиҳои руҳии вилояти Суғд дар шаҳри Исфара кӯмакҳои амалӣ дар шакли лавозимотҳои рахти хоб, матрасу болиштҳо, пойафзолҳои мавсимӣ ва маводҳои хӯрока тақдим карда шуд.
Ин бори аввал нест, ки чунин эҳсонкориҳо ба туфайли меҳрубониву ғамхориҳои роҳбарияти давлату ҳукумат ва соҳибкорони муваффақу дастбахайри Исфарамарз рӯйи кор омада бошад.
Ташкилоти ҷамъиятии "Ормони дилҳо" ва маъмурияти беморхона изҳори сипоси бепоёни худро ба соҳибкорони саховатманду накӯкор баён менамояд.
Худованд хайроти эҳсони ин ду бародарони хайркунандаро бериё ба даргоҳаш қабул намуда, аҷру савоби зиёд ва подошашро даҳчанд баргардонаду муваффақу сарбаланду комрон бигардонад.
Танҳо дар якҷоягӣ метавонем корҳои бузурги инсониро ба сомон расонида қалби ниёзмандеро ба даст оварем.
Раҳматулло Раҳимбоев
Ҳабибаллоҳ Исмоилов
ОРМОНИ ДИЛҲО-БО МО БЕҲТАРИНҲО
04.04.2024
+992989191276
+992918625893
+992929951580