🔴 KZfaq kanalımıza abunə olun və şərh yazın.
Bir çoxlarına məlum deyil ki, Mübariz Qurbanlı ilə Pənah Hüseynin iqtidar-müxalifət məsələləri mövzusu canlı yayımda müzakirə edilən vaxt Kəlbəcər kənd-kənd işğal edilir, qocalı-cavanlı, böyüklü-kiçikli hər kəs yurd-yuvasından didərgin düşür, yolda həlak olurdu. Həmin gün Azərbaycan dövlət televiziyasının əsas mövzusu isə Kəlbəcər yox, siyasət idi. Bu hadisənin illərlə tirajlanması insanda elə bir təəssürat yaradır ki, normal veriliş gedirmiş, həmin gün Kəlbəcər işğal edilmirmiş, 70 min əhali də didərgin düşməyəcəkmiş. Yalan maşını elə təqdim edir ki, sanki birdən İsgəndər Həmidovun könlünə canlı yayıma basqın etmək düşüb və edib.
İndi isə gələk sözün düzünə. Bu illər ərzində bir nəfər siyasətçi, təhlilçi demədi ki, İsgəndər Həmidov məhz Kəlbəcərin müdafiəsinə dair səhaliyyəti və imkanı daxilində hər şeyi etməyə çalışmışdı. Amma o, müdafiə naziri yox, daxili işlər naziri vəzifəsini daşıyırdı. Vəzifəsi dövlətin stabilliyini qorumaq, asayişi təmin etmək, cinayətkarlarla mübarizə aparmaq olan Daxili İşlər naziri bütün bunlarla yanaşı, orduya maddi və mənəvi dəstək verdi. Daxili İşlər naziri kimi əlinə silah alıb cəbhə bölgəsində döyüşdü, qaçan əsgərlərin qarşısını kəsib fərariliyi dayandırdı, Kəlbəcərin müdafiəsi üçün dövrün Müdafiə naziri Dadaş Rzayevə zəng edib qırıcıları qaldırmağı xahiş etdi, hətta yalvardı.