Isroil yetti oydan beri hibsda ushlab turilgan G'azo shahridagi Al-Shifo kasalxonasi rahbari Muhammad Abu Salmiyani sud ayblovisiz ozodlikka chiqardi. Isroil iddaosiga ko'ra, kasalxona XAMAS tarafidan yashirin baza sifatida foydalanilgan. Biroq kasalxona rahbarining biror izoh va ayblovlarsiz qo'yib yuborilishi Al-Shifo bo'yicha pozitsiya o'zgarganidan dalolat bo'lishi mumkin. Muhammad Abu Salmiyaning aytishicha, hibsda u va boshqa minglab falastinliklar beayov qiynoqqa tortilmoqda, xodimlar uning boshini yorib, barmoqlarini sindirgan. Falastinlik mahbuslarga tibbiyot xodimlari ham e'tibor qaratmaydi, natijada yaradorlarning ahvoli og'irlashgan va amputatsiya qilingan. Ayni damda Isroilning ikki ultra o'ngchi vaziri kasalxona rahbarining ozod etilishini qoralab, bunga aslo rozi emasligini bilidrmoqda.