Isroil G'arbiy Sohilning Jenin shahrida aksilterror operatsiyasini amalga oshirganini ma'lum qildi. Falastinliklar Jeninda turarjoylar o'rab olinib qurolli hujum amalga oshirilgani, havodan zarbalar berilganini aytmoqda. Falastin rasmiylari operatsiya chog'ida besh kishi halok bo'lganini bildirdi. Har ikki tomon ham qurbonlarning shaxsini ma'lum qilmagan. Bir kun avval Tel-Avivda joylashgan, yahudiylarning Falastin yerlarini o'zlashtirib olishiga qarshi guruh Isroil G'arbiy Sohilda yahudiylar uchun 5300 ta turarjoy qurishni rejalayotganini oshkor qilgan edi.